ജോയ് ആലുക്കാസ് ജ്വല്ലറിയുടെ രണ്ട് പുതിയ ഷോറൂമുകള്‍ ഒമാനില്‍ ആരംഭിച്ചു. ദാര്‍ സെയ്ത്ത്, ബര്‍ക്ക എന്നിവിടങ്ങളിലെ ലുലു ഹൈപ്പര്‍മാര്‍ക്കറ്റുകളിലാണ് പുതിയ ഷോറൂമുകള്‍ ആരംഭിച്ചിരിക്കുന്നത്. ഇന്ത്യന്‍ അംബാസഡര്‍ അനില്‍ വാദ് വ ഉദ്ഘാടനം നിര്‍വഹിച്ചു. ഗ്രൂപ്പ് ചെയര്‍മാന്‍ ജോയ് ആലുക്കാസ് പങ്കെടുത്തു. ഉദ്ഘാടനത്തിന്‍രെ ഭാഗമായി ആദ്യത്തെ പത്ത് ദിവസം ആഭരണങ്ങള്‍ വാങ്ങുന്നവര്‍ക്ക് വിവിധ സമ്മാനങ്ങള്‍ അധികൃതര്‍ ഒരുക്കിയിട്ടുണ്ട്.

ജെറ്റ് എയര്‍വേയ്സിന്‍റെ കൊച്ചി-കുവൈറ്റ് വിമാനത്തിന്‍റെ സമയം ഇന്ന് മുതല്‍ മാറും. പുതുക്കിയ സമയമനുസരിച്ച് ജെറ്റ് എയര്‍വെയ്സ് ഫ്ളൈറ്റ് നമ്പര്‍ 574 കൊച്ചിയില്‍ നിന്നും രാവിലെ 8.15 ന് കുവൈറ്റിലേക്കു തിരിക്കും.

നേരത്തേ വൈകിട്ട് 4.45 നായിരുന്നു വിമാനം പുറപ്പെട്ടുകൊണ്ടിരുന്നത്. കുവൈറ്റില്‍ നിന്നും കൊച്ചിയിലേക്കുള്ള സമയക്രമത്തിലും മാറ്റം വരുത്തിയിട്ടുണ്ട്.

ഇനി മുതല്‍ രാവിലെ 11.30 `നായിരിക്കും കുവൈറ്റില്‍ നിന്നും വിമാനം പുറപ്പെടുകയെന്ന് അധികൃതര്‍ അറിയിച്ചു. കൂടുതല്‍ വിവരങ്ങള്‍ 235 92 12, 238 85 82, 229 32 31 എന്നീ നമ്പരുകളില്‍ ലഭ്യമാണ്

കുവൈറ്റില്‍ ജോയ് ആലുക്കാസ് ജ്വല്ലറിയുടെ നാലാമത് ഷോറൂം ഇന്ത്യന്‍ അംബാസഡര്‍ എം,ഗണപതി ഉദ്ഘാടനം ചെയ്തു. ലുലു ഹൈപ്പര്‍മാര്‍ക്കറ്റിലാണ് ഷോറൂം ആരംഭിച്ചിരിക്കുന്നത്. കുവൈറ്റില്‍ കൂടുതല്‍ ഷോറൂമുകള്‍ ആരംഭിക്കുമെന്ന് ചെയര്‍മാന്‍ ജോയ് ആലുക്ക പറഞ്ഞു.

വെള്ളം ഉപയോഗിക്കാതെ കാര്‍ കഴുകുന്നതിനുള്ള ഉത്പന്നം യു.എ.ഇ വിപണിയിലെത്തി. ബയോ കാര്‍ വാഷ് എന്ന ഈ ഉത്പന്നത്തിന്‍റെ പുറത്തിറക്കല്‍ ചടങ്ങ് ദുബായില്‍ നടന്നു.

സൗദി ആസ്ഥാനമായ അല്‍ ബര്‍ഗ് കമ്പനിയാണ് ഉത്പന്നം വിപണിയില്‍ എത്തിച്ചിരിക്കുന്നത്. ദശലക്ഷക്കണക്കിന് ഗാലന്‍ വെള്ളമാണ് ഓരോ ദിവസവും കാര്‍ കഴുകാനായി ഉപയോഗിക്കുന്നതെന്നും തങ്ങളുടെ ഈ ഉത്പന്നം ഉപയോഗിക്കുന്ന പക്ഷം ഇത്രയും വെള്ളം ലാഭിക്കാമെന്നും കമ്പനി അധികൃതര്‍ പറഞ്ഞു.

മൂന്ന് വ്യത്യസ്ത ഉത്പന്നങ്ങളാണ് പുറത്തിറക്കിയിട്ടുള്ളത്. പരിസ്ഥിതി സൗഹൃദ ഉത്പന്നമാണ് തങ്ങളുടേതെന്ന് ബന്ധപ്പെട്ടവര്‍ അഭിപ്രായപ്പെട്ടു.