ഗള്‍ഫ് ഗേറ്റ് ഹെയര്‍ഫിക്സിംഗ് തങ്ങളുടെ പ്രവര്‍ത്തനം വ്യാപിപ്പിക്കുന്നതായി ചെയര്‍മാന്‍ സക്കീര്‍ ഹുസൈന്‍ അറിയിച്ചു. ഇതി‍ന്‍റെ ഭാഗമായി ഹൈദരാബാദില്‍ പുതിയ ഷോറൂം തുറന്നു. ഹൈദരാബാദ് ഊര്‍ജ്ജ വകുപ്പ് മന്ത്രി ഷബീര്‍ അലി അഹമ്മദ് ആണ് ഉദ്ഘാടനം നിര്‍വഹിച്ചത്. പൂര്‍ണമായും കനേഡിയന്‍ സാങ്കേതിക വിദ്യ ഉപയോഗിച്ചാണ് ഗള്‍ഫ് ഗേറ്റ് ഹെയര്‍ ഫിക്സിംഗ് പ്രവര്‍ത്തിക്കുന്നതെന്ന് സക്കീര്‍ ഹുസൈന്‍ പറഞ്ഞു. ഉടന്‍ തന്നെ ഇന്ത്യയിലെ മറ്റ് പ്രധാന നഗരങ്ങളില്‍ പുതിയ ശാഖകള്‍ തുറക്കുമെന്നും അദ്ദേഹം കൂട്ടിച്ചേര്‍ത്തു.

യു.എ.ഇ ആസ്ഥാനമായി പുതിയ ക്ലാസിഫൈഡ് അഡ്വര്‍ ടൈസിംഗ് വെബ് സൈറ്റ് ആരംഭിച്ചു. www.everythingUAE.comഎന്ന പേരിലുള്ള വെബ് സൈറ്റില്‍ ഓരോ എമിറേറ്റിനും പ്രത്യേകം പേജുകള്‍ സജ്ജീകരിച്ചിട്ടുണ്ട്. കമ്പ്യൂട്ടര്‍, ഇലക്ട്രോണിക്സ്, ഫര്‍ണീച്ചറുകള്‍, തൊഴില്‍, മൊബൈല്‍ ഫോണുകള്‍, പ്രോപ്പര്‍ട്ടികള്‍ തുടങ്ങി വ്യത്യസ്തമായ ക്ലാസിഫൈഡുകള്‍ ഈ വെബ് സൈറ്റില്‍ തികച്ചും സൗജന്യമായി നല്‍കാം. പാലക്കാട് സ്വദേശിയായ റിയാസ് റഹ്മാനാണ് ഈ പുതിയ സംരംഭത്തിന് പിന്നില്‍.

ദുബായിലേക്ക് വിനോദ സഞ്ചാരികളെ ആകര്‍ഷിക്കുന്നതിനായി പുതിയ പദ്ധതി നടപ്പിലാക്കുന്നു. ഈദ് ഇന്‍ ദുബായ് എന്ന പേരില്‍ വൈവിദ്യമേറിയ പരിപാടികളാണ് ഉണ്ടാവുക. ചെറിയ പെരുന്നാള്‍ ദുബായില്‍ ആഘോഷ പൂര്‍വം കൊണ്ടാടുന്നതിനുള്ള പരിപാടികളാണ് ഒരുക്കിയിരിക്കുന്നത്.

ഡി.എസ്.എഫ് ഓഫീസും എമിറേറ്റ്സ് എയര്‍ ലൈന്‍സും സംയുക്തമായാണ് പദ്ധതി നടപ്പിലാക്കുന്നത്. ആയിരക്കണക്കിന് സഞ്ചാരികളെയാണ് ഈ കാലയളവില്‍ പ്രതീക്ഷിക്കുന്നതെന്ന് എമിറേറ്റ്സ് എയര്‍ ലൈന്‍സ് സി.ഇ.ഒയും ഡി.എസ്.എഫ് ഓഫീസ് സുപ്രീം കമ്മിറ്റി ചെയര്‍മാനുമായ ശൈഖ് അഹമ്മദ് ബിന്‍ സഈദ് അല്‍ മക്തൂം പറഞ്ഞു. ഇസ്ലാമിന്‍റെ ധാര്‍മികവും സാംസ്കാരികവുമായ മൂല്യങ്ങള്‍ സംരക്ഷിച്ചുകൊണ്ടുള്ള പദ്ധതിയാണിതെന്നും അദ്ദേഹം വ്യക്തമാക്കി.

റിയാദിലെ മൈ ഓണ്‍ ഗ്രൂപ്പിന്‍റെ പുതിയ സംരംഭമായ മൈ ഓണ്‍ ടൈം ഷോറും പ്രവര്‍ത്തനം ആരംഭിച്ചു.

നെസ്റ്റോ ഹൈപ്പര്‍മാര്‍ക്കറ്റ് സി.ഇ.ഒ നാസര്‍ അബൂബക്കര്‍ ഉദ്ഘാടനം നിര്‍വഹിച്ചു. ന്യായമായ വിലയില്‍ ലോക പ്രശസ്ത ബ്രാന്‍ഡുകള്‍ ലഭ്യമാക്കുമെന്ന് അധികൃതര്‍ അറിയിച്ചു.