ഖത്തറിലെ പ്രശസ്തമായ ഫുഡ് പ്ലസ് ഗ്രൂപ്പ് തങ്ങളുടെ ഏറ്റവും പുതിയ സൂപ്പര്‍മാര്‍ക്കറ്റ് മന്‍സൂറയില്‍ കാര്‍പ്പെറ്റ് സെന്ററിനടുത്ത് ആരംഭിച്ചു. ഷെയ്ഖ് നാസ്സര്‍ ജലീലി അബു ഉസ്മാന്‍ ആണ് ഉദ്ഘാടനം നിര്‍വ്വഹിച്ചത്. മന്‍സൂറയിലും പരിസര പ്രദേശങ്ങളിലും ഫുഡ് പ്ലസ് സൂപ്പര്‍മാര്‍ക്കറ്റ് ഒരു പുതിയ ഷോപ്പിങ് അനുഭവം ആയിരിയ്ക്കും എന്ന് ഫുഡ് പ്ലസ് ഗ്രൂപ്പിന്റെ മാനേജ്മെന്റ് അറിയിച്ചു. ഏറ്റവും കുറഞ്ഞ വിലയില്‍ തങ്ങള്‍ മന്‍സൂറ വാസികള്‍ക്ക് ഏറ്റവും മെച്ചപ്പെട്ട സേവനം പ്രദാനം ചെയ്യും.
ഖത്തറിന്റെ സാമ്പത്തിക വളര്‍ച്ചയും കച്ചവട രംഗത്തെ തങ്ങളുടെ വര്‍ഷങ്ങളുടെ സല്‍പ്പേരും തങ്ങളെ പുതിയ വെല്ലു വിളികള്‍ ഏറ്റെടുക്കാനും ജനങ്ങള്‍ക്ക് വേണ്ടി പുതിയ സേവനങ്ങള്‍ കാഴ്ച വെയ്ക്കാനും ഉള്ള പ്രേരണ നല്‍കുന്നു.
ഈ പുതിയ സൂപ്പര്‍മാര്‍ക്കറ്റ് ഈ ദിശയിലുള്ള ഒരു പുതിയ കാല്‍ വെപ്പാണ്. ഏറ്റവും നല്ല പച്ചക്കറികളും പഴങ്ങളും മറ്റ് ഭക്ഷ്യ സാധനങ്ങളും ഇവിടെ ഏറ്റവും കുറഞ്ഞ വിലയില്‍ ലഭ്യമാക്കും. ഇവിടെ നിന്നും സൌജന്യമായി സാധനങ്ങള്‍ വീടുകളില്‍ എത്തിച്ചു കൊടുക്കാന്‍ പ്രത്യേക പരിശീലനം ലഭിച്ച ജീവനക്കാര്‍ സദാ സമയവും സജ്ജരാണ് എന്നും മാനേജ്മെന്റ് വ്യക്തമാക്കി.
ഖത്തറില്‍ ഉടനീളം സൂപ്പര്‍മാര്‍ക്കറ്റുകളും, ഡിപ്പാര്‍ട്ട്മെന്റ് സ്റ്റോറുകളും റെസ്റ്റോറന്റുകളും ഫുഡ് പ്ലസ് ഗ്രൂപ്പ് നടത്തുന്നുണ്ട്.
