ഫിഷ്‌ മോളി

October 20th, 2011

fish moly-epathram
മീന്‍ കറിയെന്ന് കേട്ടാല്‍ വായില്‍ വെള്ളമൂറും. വീട്ടില്‍ പലതരത്തിലുള്ള മീന്‍ കറികള്‍ ഉണ്ടാക്കാറുണ്ട്. തേങ്ങാ അരച്ചും, കുടമ്പുളി ഇട്ടും, തക്കാളി ചേര്‍ത്തും ഒരു പാട് രീതിയില്‍ മീന്‍ വയ്ക്കാം. എന്നാല്‍ ഫിഷ്‌ മോളി ഇവയില്‍ നിന്നെല്ലാം വളരെ വ്യത്യസ്തമായ ഒരു ഫിഷ്‌ കറിയാണ്. വളരെ നേര്‍ത്ത രുചിയുള്ള അധികം മസാലയും എരിവും ഇല്ലാത്ത ഒരു കറിയാണ് ഇത്. മാത്രവുമല്ല ഇത് ചോറിന്റെ കൂടെ സാധാരണ കഴിക്കാറില്ല. അപ്പം, പുട്ട്, ഇടിയപ്പം, ബ്രെഡ്‌ ഇവയൊക്കെയാണ് ബെസ്റ്റ്‌ കോമ്പിനേഷന്‍സ്‌. എനിക്ക് ഏതായാലും അപ്പത്തിന്റെ കൂടെ ഫിഷ്‌ മോളി കഴിക്കുന്നതാണ് ഏറ്റവും ഇഷ്ടം. ഇതു തയ്യാറാക്കാന്‍ റെഡിയായിക്കോളൂ

ചേരുവകള്‍

മീന്‍ – ഒരു കിലോ ‌(നെയ്‌ മീന്‍, കരിമീന്‍, ഹമ്മൂര്‍ ഇവയില്‍ എതെങ്കിലും)
സവാള – 3 വലുത് നേര്‍മയായി അരിഞ്ഞത്
പച്ച മുളക്‌ – 50 ഗ്രാം നെടുകെ കീറിയത്
ഇഞ്ചി ചതച്ചത്‌ – 25 ഗ്രാം
മഞ്ഞള്‍ പൊടി – അര റ്റീസ്പൂണ്‍
കുരുമുളക് പൊടി – അര റ്റീസ്പൂണ്‍
വെളിച്ചെണ്ണ – 100 മില്ലി
കറിവേപ്പില – 2 തണ്ട്‌
തേങ്ങാ – ഒന്ന്
വിനാഗിരി – 2 ടേബിള്‍സ്പൂണ്‍
ഉപ്പ്‌ ‌ പാകത്തിന്
നെയ്യ് – 1 ടേബിള്‍സ്പൂണ്‍
കശുവണ്ടി – 1 ടേബിള്‍സ്പൂണ്‍
കിസ്മിസ്‌ – 1 ടേബിള്‍സ്പൂണ്‍

തയ്യാറാക്കുന്ന വിധം

മീന്‍ ഇടത്തരം വലിപ്പമുള്ള കഷണങ്ങളായി മുറിച്ചു വയ്ക്കുക.തേങ്ങയുടെ ഒന്നാമത്തെയും രണ്ടാമത്തെയും പാല്‍ വെവ്വേറെ എടുത്തു വയ്‌ക്കുക. പാത്രത്തില്‍ എണ്ണ ചൂടാക്കി അതില്‍ അരിഞ്ഞു വച്ച സവാള, ഇഞ്ചി, കറിവേപ്പില, പച്ചമുളക്‌ എന്നിവ വഴറ്റുക. അതിലേക്ക്‌ മഞ്ഞള്‍ പൊടിയും കുരുമുളക് പൊടിയും ചേര്‍ത്ത് വഴറ്റുക. ഇതിലേക്ക് രണ്ടാം പാല്‍ ഒഴിക്കണം. പാകത്തിന് ഉപ്പും വിനാഗിരിയും ചേര്‍ക്കുക. കഷണങ്ങളാക്കിയ മീന്‍ ഇതിലേക്ക് ഇട്ടു മൂടി വച്ച് 10-15 മിനിറ്റ് വേവിക്കുക. മീന്‍ വെന്തു കഴിയുമ്പോള്‍ ഒന്നാം പാല്‍ ചേര്‍ത്ത്‌ ചെറുതായൊന്ന് തിളപ്പിച്ച്‌ അടുപ്പില്‍ നിന്നെടുക്കുക. മീന്‍ വെന്തു കഴിഞ്ഞാല്‍ പിന്നെ സ്പൂണ്‍ കൊണ്ട് ഇളക്കരുത് . കഷ്ണങ്ങള്‍ ഉടയും. പത്രം ചെറുതായി ഒന്ന് ചുറ്റിച്ചു മാത്രം എടുക്കുക. നെയ്യ് ചൂടാക്കി കശുവണ്ടിയും കിസ്സ്മിസ്സും വറുത്തെടുത്ത് ഫിഷ്‌ മോളിക് മുകളില്‍ തൂവുക. അപ്പം, പുട്ട്, ഇടിയപ്പം, ചപ്പാത്തി എന്നിവയുടെ കൂടെ കഴിക്കാം.

- ലിജി അരുണ്‍

വായിക്കുക: ,

അഭിപ്രായം എഴുതുക »

ഞണ്ട് റോസ്റ്റ്‌

October 17th, 2011

crab roast-epathram

ഞണ്ട് അധികം പരീക്ഷണ വിധേയമാകാത്ത ഒരു സീഫുഡ് ആണെന്നാണ് എനിക്ക് തോന്നാറ്. കാരണം അധികം പേര്‍ക്കും ഇത് വൃത്തിയാക്കേണ്ടത് എങ്ങനെ എന്ന് അറിയില്ല. എന്റെ ചെറുപ്പത്തില്‍ ഞാന്‍ ഞണ്ട് കഴിച്ചത് ഒരിക്കല്‍ മാത്രമാണ് എന്നാണ് എന്റെ ഓര്മ. ഏതായാലും ദുബായില്‍ എത്തിയതിനു ശേഷം ഞാന്‍ നല്ല ഞണ്ട് റോസ്റ്റ്‌ കഴിച്ചു. ദൈറ ഫിഷ്‌ മാര്‍ക്കെറ്റില്‍ പോയാല്‍ നല്ല വലിയ ഞണ്ട് വൃത്തിയാക്കി കിട്ടും. മാത്രവുമല്ല എന്റെ അമ്മായിയമ്മ ഒരു അടിപൊളി കുക്ക് ആണ്. ഇത് മമ്മിയുടെ സ്പെഷ്യല്‍ ഞണ്ട് റോസ്റ്റ്‌ റെസിപി ആണ്.

ചേരുവകള്‍

മസാല 1:

തേങ്ങ-അര മുറി
ചുവന്നുള്ളി 5 അല്ലി
വെളുത്തുള്ളി 2 അല്ലി
കറിവേപ്പില  2 തണ്ട്
ഇഞ്ചി  1 ചെറിയ കഷ്ണം
ഇതെല്ലാം ഒരുമിച്ച് ഇട്ട് ചുവക്കെ വറുക്കുക. വെള്ളം തൊടാതെ പൊടിച്ചെടുക്കുക.

മസാല 2:

ഞണ്ട് – 1 കിലോ
ഇഞ്ചി – ഒരു വലിയ കഷ്ണം
കാശ്മീരി മുളകുപൊടി – 3 ടീസ്പൂണ്‍
മഞ്ഞള്‍പ്പൊടി – 1 ടീസ്പൂണ്‍
പച്ചമുളക് നെടുവേ കീറിയത് – 8 എണ്ണം
വെളുത്തുള്ളി ചതച്ചെടുത്തത് – 16 അല്ലി
സവാള – 5 എണ്ണം
തക്കാളി – 4  എണ്ണം
കറിവേപ്പില – 3 തണ്ട്
വെളിച്ചെണ്ണ – ആവശ്യത്തിന്

ഞണ്ട് കഴുകി വൃത്തിയാക്കി വെള്ളം കളയാന്‍ വെക്കുക. 3 ടേബിള്‍സ്പൂണ്‍ എണ്ണയില്‍ സവാള വഴറ്റുക. പച്ചമുളക് കറിവേപ്പില ചേര്‍ത്ത് വഴറ്റുക. വഴന്നു കഴിയുമ്പോള്‍ ഇഞ്ചി ചേര്‍ക്കുക, ബ്രൌണ്‍ നിറമാവുമ്പോള്‍ വെളുത്തുള്ളി ചേര്‍ക്കുക. ലൈറ്റ് ബ്രൌണ്‍ ആവുമ്പോള്‍ മുളക് പൊടി ചേര്‍ക്കുക. മഞ്ഞള്‍ പൊടി ചേര്‍ക്കുക. പൊടികള്‍ മൂത്ത് വരുമ്പോള്‍ തക്കാളി ചേര്‍ക്കുക. ഉപ്പ് ചേര്‍ക്കുക. എണ്ണ തെളിയുമ്പോള്‍ ഞണ്ട് ചേര്‍ക്കുക. വീണ്ടും ആവശ്യത്തിന് ഉപ്പ് ചേര്‍ക്കുക. ഒരു ഗ്ലാസ്‌ വെള്ളം ഒഴിക്കുക. 15 മിനിറ്റ് ചെറിയ തീയില്‍ അടച്ചു വെയ്ക്കുക. വെള്ളം വറ്റി ഞണ്ട് റോസ്റ്റ് ആയി വരും. ഇടയ്ക്ക് ഇളക്കി വെള്ളം മുഴുവന്‍ വറ്റിക്കുക. നേരത്തെ തയ്യാറാക്കിയ തെങ്ങ വറുത്ത് ചേര്‍ക്കുക. ഞണ്ട് റോസ്റ്റ്‌ റെഡി !!

- ലിജി അരുണ്‍

വായിക്കുക: , ,

അഭിപ്രായം എഴുതുക »

Page 2 of 212

« Previous Page
Next » തലശ്ശേരി ബിരിയാണി »



പ്രഷര്‍കുക്കര്‍ ബിരിയാണി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine