ജിദ്ദയിലെ ഷിഫാ ജിദ്ദാ പോളി ക്ലിനിക് നാലാം വാര്‍ഷികത്തോട് അനുബന്ധിച്ച് പാവപ്പെട്ട രോഗികള്‍ക്ക് സൗജന്യ ചികിത്സ നല്‍കുമെന്ന് മാനേജ്മെന്‍റ് അറിയിച്ചു. ഗള്‍ഫ് മലയാളികള്‍ക്കിടയില്‍ ഹൃദ് രോഗം വര്‍ധിച്ച സാഹചര്യത്തില്‍ ഇത് സംബന്ധിച്ച് മലയാളികള്‍ക്കിടയില്‍ ബോധവത്ക്കരണ ക്ലാസുകളും സി.പി.ആര്‍ ചികിത്സാ പരിശീലനവും നടത്തുമെന്നും ഇവര്‍ വാര്‍ത്താ സമ്മേളനത്തില്‍ പറഞ്ഞു. ക്ലിനിക്കില്‍ പുതുതായി കാര്‍ഡിയോളജി വിഭാഗവും യൂറോളജി വിഭാഗവും ആറംഭിച്ചതായി ജനറല്‍ മാനേജര്‍ പി.എ അബ്ദുറഹ്മാന്‍ വ്യക്തമാക്കി. ഡോ. അഷ്റഫ് അലി, ഡോ. മുഹമ്മദ് അബ്ദുല്‍ അസീസ് തുടങ്ങിയവരും വാര്‍ത്താ സമ്മേളനത്തില്‍ പങ്കെടുത്തു.

ടെക് ഓര്‍ബിറ്റ് മൊബൈല്‍ ഷോപ്പ് പ്രമോഷന്‍ പദ്ധതിയിലെ വിജയിയെ തെരഞ്ഞെടുത്തു. ദുബായ് സോനാപൂരിലെ ഷോറൂമില്‍ ഇത്തിസലാത്ത് കീ റീട്ടെയ്ല്‍ വിഭാഗം സീനിയര്‍ മാനേജര്‍ റാഷിദ് അല്‍ ഷംസി നറുക്കെടുപ്പ് നടത്തി. മുംബൈ സ്വദേശിയായ സാലീം മുഹമ്മദ് ആലീമിന് മെഗാ സമ്മാനമായ ഒരു കിലോ സ്വര്‍ണം ലഭിച്ചു. ഇത്തിസലാത്ത് പ്രതിനിധി കിഷോര്‍ ചന്ദ്, ടെക് ഓര്‍ബിറ്റ് എം.ഡി നൗഷാദ്, ഇസ്മയില്‍ എന്നിവര്‍ പങ്കെടുത്തു.

എസ്.ടി ഗ്രൂപ്പിന്‍റെ പുതിയ സംരംഭമായ എസ്.ടി കാര്‍ഗോയുടെ ഉദ്ഘാടനം ബഹ്റിനില്‍ നടന്നു. അലി അല്‍ മക്കി ഉദ്ഘാടന കര്‍മ്മം നിര്‍വഹിച്ചു. ഉദ്ഘാടനത്തോട് അനുബന്ധിച്ച് നിരവധി ഉപഭോക്താക്കള്‍ക്ക് നിരവധി ആനുകൂല്യങ്ങള്‍ നല്‍കുന്നുണ്ടെന്ന് മാനേജിംഗ് ‍ഡയറക്ടര്‍ അറിയിച്ചു.

ബഹ്റിനിലെ സിറ്റിമാക്സ് ഗ്രൂപ്പി‍ന്‍റെ പുതിയ സംരംഭമായ സൗന്ദര്യ ഫാഷന്‍സ് ഗുദൈബിയയില്‍ ആരംഭിച്ചു. വന്‍ വിലക്കുറവാണ് ഉദ്ഘാടനത്തോട് അനുബന്ധിച്ച് ഏര്‍പ്പെടുത്തിയിരിക്കുന്നതെന്ന് മാനേജിംഗ് ഡയറക്ടര്‍ ഖാദര്‍ ഹാജി പറഞ്ഞു.

ബഹ്റിനിലെ മെഗാമാര്‍ട്ട്, ബാബ സണ്‍സ് ഗ്രൂപ്പിന്‍റെ സമ്മാന പദ്ധതി നറുക്കെടുപ്പിലെ വിജയിക്ക് സമ്മാന വിതരണം ചെയ്തു. തൃശൂര്‍ സ്വദേശി ടിസ പോളിന് സമ്മാനമായ നിസാന്‍ അള്‍ട്ടിമ കാറിന്‍റെ താക്കോല്‍ അഹമ്മദ് ഗുലൂം ജാഫര്‍ കൈമാറി. ജനറല്‍ മാനേജര്‍ രാജ് കുമാര്‍, കര്‍ട്ടര്‍ ഹസനാനി എന്നിവര്‍ ചടങ്ങില്‍ പങ്കെടുത്തു. ഓരോ അ‍ഞ്ച് ദിനാറിന് സാധാനങ്ങള്‍ വാങ്ങുമ്പോള്‍ നല്‍കുന്ന കൂപ്പണ്‍ നറുക്കിട്ടാണ് വിജയിയെ കണ്ടെത്തിയത്.