ഒമാനില്‍ മികച്ച ടിക്കറ്റ് വില്‍പ്പന നടത്തിയ ട്രാവല്‍ ഏജന്‍റുമാരെ എയര്‍ ഇന്ത്യ എക്സ്പ്രസ് അനുമോദിച്ചു. ചടങ്ങില്‍ മസ്ക്കറ്റ് ഇന്ത്യന്‍ എംബസി കൗണ്‍സിലര്‍ ജെ.കെ ത്രിപാഠി മുഖ്യാതിഥി ആയിരുന്നു. അബു അന്‍വര്‍ ട്രാവല്‍സ്, മര്‍മുല്‍ ട്രാവല്‍സ്, ദുബായ് ട്രാവല്‍സ് എന്നീ ട്രാവല്‍ ഏജന്‍റുമാരെയാണ് അനുമോദിച്ചത്. എയര്‍ ഇന്ത്യ മിഡില്‍ ഈസ്റ്റ് എക്സികുട്ടീവ് ഡയറക്ടര്‍ എഫ്.ഡി വാര്‍ഡ്യൂ ട്രാവല്‍ ഏജന്‍റുമാര്‍ക്ക് പാരിതോഷികങ്ങള്‍ നല്‍കി.

ഒമാനിലെ ഏക ടെലികോം സര്‍വീസ് പ്രൊവൈഡര്‍ ആയ ഒമാന്‍ ടെല്‍ ഈ വര്‍ഷം ആദ്യ പകുതിയില്‍ 74.8 മില്യണ്‍ ഒമാനി റിയാലിന്‍റെ അറ്റാദായം ഉണ്ടാക്കി. കഴിഞ്ഞ വര്‍ഷത്തെ അപേക്ഷിച്ച് ഇത് 54.3 ശതമാനത്തിന്‍റെ വര്‍ധനവാണ്. 2008 ന്‍റെ ആദ്യ പകുതിയില്‍ 201.1 മില്യണ്‍ ഒമാന്‍ റിയാലാണ് ഒമാന്‍ ടെല്ലിന്‍റെ ആകെ വരുമാനം. 118.4 മില്യണ്‍ റിയാല്‍ ചെലവ് രേഖപ്പെടുത്തി. 2007 നെ അപേക്ഷിച്ച് ചെലവില്‍ 2.4 ശതമാനത്തിന്‍റെ കുറവാണ് ഇത്തവണയുണ്ടായത്. ഒമാന്‍ സര്‍ക്കാറിന്‍റെ ഉടമസ്ഥതയിലുള്ള ഒമാന്‍ ടെല്ലിന്‍റെ 25 ശതമാനം ഓഹരി ഈ വര്‍ഷാവസാനത്തിന് മുമ്പേ വില്‍ക്കുവാനും കമ്പനി തീരുമാനിച്ചിട്ടുണ്ട്.

ഒമാനിലെ ഏക ടെലികോം സര്‍വീസ് പ്രൊവൈഡര്‍ ആയ ഒമാന്‍ ടെല്‍ ഈ വര്‍ഷം ആദ്യ പകുതിയില്‍ 74.8 മില്യണ്‍ ഒമാനി റിയാലിന്‍റെ അറ്റാദായം ഉണ്ടാക്കി. കഴിഞ്ഞ വര്‍ഷത്തെ അപേക്ഷിച്ച് ഇത് 54.3 ശതമാനത്തിന്‍റെ വര്‍ധനവാണ്. 2008 ന്‍റെ ആദ്യ പകുതിയില്‍ 201.1 മില്യണ്‍ ഒമാന്‍ റിയാലാണ് ഒമാന്‍ ടെല്ലിന്‍റെ ആകെ വരുമാനം. 118.4 മില്യണ്‍ റിയാല്‍ ചെലവ് രേഖപ്പെടുത്തി. 2007 നെ അപേക്ഷിച്ച് ചെലവില്‍ 2.4 ശതമാനത്തിന്‍റെ കുറവാണ് ഇത്തവണയുണ്ടായത്. ഒമാന്‍ സര്‍ക്കാറിന്‍റെ ഉടമസ്ഥതയിലുള്ള ഒമാന്‍ ടെല്ലിന്‍റെ 25 ശതമാനം ഓഹരി ഈ വര്‍ഷാവസാനത്തിന് മുമ്പേ വില്‍ക്കുവാനും കമ്പനി തീരുമാനിച്ചിട്ടുണ്ട്.

ഖത്തറിലെ ടെലികോം കമ്പനിയായ ക്യൂ ടെല്‍ ഇന്ത്യയിലേക്കുള്ള കോളുകളില്‍ 65 ശതമാനം വരെ നിരക്കിളവ് നല്‍കി വേനലവധിക്കാല പ്രമോഷന്‍ ആരംഭിച്ചു.

ദിവസവും വൈകീട്ട് ഏഴ് മുതല്‍ രാവിലെ ഏഴ് വരേയും വെള്ളിയാഴ്ച മുഴുവന്‍ സമയവുമാണ്ഈ നിരക്കളവ് ലഭിക്കുക. മിനിറ്റിന് നിലവിലുള്ള 1.92 റിയാലിനു പകരം 70 ദിര്‍ഹമായിരിക്കും ഈടാക്കുക. പ്രമോഷന്‍ സമയത്ത് പോസ്റ്റ് പെയ്ഡിന് മിനിറ്റിന് 1.05 റിയാലും പ്രീ പെയ്ഡിന് 1.25 റിയാലുമായിരിക്കും നിരക്ക്.

ഖത്തറിലെ ജനസംഖ്യയില്‍ 30 ശതമാനവും ഇന്ത്യക്കാരായത് കൊണ്ട് ഈ ആനുകൂല്യം ഉപഭോക്താക്കളില്‍ ഒരു വലിയ വിഭാഗത്തിന് ലഭിക്കുമെന്ന് ക്യൂ ടെല്‍ ഗ്രൂപ്പ് കമ്യൂണിക്കേഷന്‍സ് എക്സികുട്ടീവ് ഡയറക്ടര്‍ അതില്‍ അല്‍ മുത്തവ്വ പറഞ്ഞു.

ഇന്ത്യ- ഒമാന്‍ ബിസിനസ് ഫോറത്തിന്‍റെ മൂന്നാമത് യോഗം മസ്ക്കറ്റില്‍ നടന്നു. ഇന്ത്യന്‍ എംബസി ഓഡിറ്റോറിയത്തിലായിരുന്നു പരിപാടി. ഇന്ത്യ-ഒമാന്‍ വാണിജ്യ ബന്ധങ്ങള്‍ വ്യാപിപ്പിക്കുക എന്ന ആശയമാണ് ബിസിനസ് ഫോറം മുന്നോട്ട് വയ്ക്കുന്നത്.

ഇരു രാജ്യങ്ങള്‍ തമ്മിലുള്ള വാണിജ്യ നിക്ഷേപ രംഗത്തെ സുസ്ഥിരമായ വളര്‍ച്ചയില്‍ തൃപ്തിയുണ്ടെന്ന് ഇന്ത്യന്‍ അംബാസഡര്‍ അനില്‍ വാദ് വ പറഞ്ഞു. ഒമാനിലെ വ്യവസായ പ്രമുഖരും ഇന്ത്യയില്‍ നിന്നെത്തിയ വ്യവസായ സംഘവും നടത്തിയ ആശയ വിനിമയങ്ങള്‍ പുതിയ സംരംഭങ്ങള്‍ക്ക് വഴി തുറക്കുമെന്നാണ് പ്രതീക്ഷ.