വിദേശ വിനോദ സഞ്ചാരികളെ ആകര്‍ഷിക്കാന്‍ ഷാര്‍ജ എമിറേറ്റ് വിപുലമായ പരിപാടികള്‍ ആവിഷ്ക്കരിക്കുന്നു. ജനുവരി 15ന് ആരംഭിക്കുന്ന ഷാര്‍ജ സ്പ്രിംഗ് പ്രൊമോഷനില്‍ വ്യത്യസ്ത പരിപാടികളാണ് ആസൂത്രണം ചെയ്തിരിക്കുന്നത്. ഇതിന്‍റെ ഭാഗമായി ഷാര്‍ജ ചേംബര്‍ ഓഫ് കൊമേഴ്സ് ആന്‍ഡ് ഇന്‍ഡസ്ട്രിയുമായി ചേര്‍ന്നാണ് ഹോട്ടലുകള്‍ ഇപ്പോള്‍ പ്രവര്‍ത്തിക്കുന്നത്. എയര്‍ അറേബ്യയുമായും ചില ഹോട്ടലുകള്‍ ധാരണയായിട്ടുണ്ട്. എന്നാല്‍ പദ്ധതികളുടെ വിശദാംശങ്ങള്‍ പുറത്തു വിട്ടിട്ടില്ല. 40 ദിവസമാണ് ഷാര്‍ജ സ്പ്രിംഗ് പ്രൊമോഷന്‍ നടക്കുക. യുഎഇയില്‍ ടൂറിസത്തില്‍ വന്ന കുറവും ദുബായില്‍ 15ആം തിയതി ആരംഭിക്കുന്ന ദുബായ് ഷോപ്പിംഗ് ഫെസ്റ്റിവലും ഷാര്‍ജ എമിറേറ്റിലേക്കുള്ള ടൂറിസ്റ്റുകളുടെ എണ്ണത്തില്‍ കുറവ് വരുത്തിയേക്കാമെന്ന ആശങ്കയാണ് അധികൃതര്‍ക്ക് ഉള്ളത്.
-
