തിരുവനന്തപുരം ജില്ലയിലെ വെഞ്ഞാറമൂട് നിവാസികളുടെ പ്രവാസി കൂട്ടായ്മ ‘വെണ്മ യു. എ. ഇ.’ യുടെ ഒന്നാം വാര്‍ഷികം വിവിധ കലാ പരിപാടികളോടെ അഘോഷിക്കുന്നു. ഫെബ്രുവരി 6 വെള്ളിയാഴ്ച വൈകീട്ട് 6 മണിക്ക് ദുബായ് ഗള്‍ഫ് മോഡല്‍ സ്കൂളില്‍ സംഘടിപ്പിക്കുന്ന ‘വെണ്മ സംഗമ’ത്തില്‍ കലാ സാംസ്കാരിക രംഗത്തെ പ്രമുഖരോടൊപ്പം വെഞ്ഞാറമൂടിന്‍റെ അഭിമാന താരം സുരാജ് വെഞ്ഞാറമൂട് മുഖ്യ അതിഥിയായി പങ്കെടുക്കും.
വെണ്മ വാര്‍ഷികാ ഘോഷങ്ങളുടെ ഭാഗമായി പുറത്തിറക്കുന്ന സുവനീര്‍ പ്രകാശനം ‘വെണ്മ സംഗമ’ത്തില്‍ നടക്കും. സുരാജ് വെഞ്ഞാറമൂട് നയിക്കുന്ന മിമിക്സ് പരേഡ്, രാജീവ് കോടമ്പള്ളി നയിക്കുന്ന ഗാന മേള, ആകര്‍ഷ കങ്ങളായ ന്യത്തങ്ങളും അടക്കം വിവിധ കലാ പരിപാടികള്‍ അരങ്ങേറും. (വിശദ വിവരങ്ങള്‍ക്ക് : രാജേന്ദ്രന്‍ വെഞ്ഞാറമൂട് 050 566 38 17)
– പി. എം. അബ്ദുല്‍ റഹിമാന്‍, അബുദാബി
-
അനുബന്ധ വാര്‍ത്തകള്‍
വായിക്കുക: സംഘടന
