ദുബായ് റാഷിദ് തുറുമുഖത്തെ ക്രൂയിസ് പോര്‍ട്ടില്‍ നിന്നുള്ള ടാക്സി നിരക്ക് വര്‍ധിപ്പിച്ചു. 20 ദിര്‍ഹത്തിലായിരിക്കും ഇനി മുതല്‍ മീറ്റര്‍ റീഡിംഗ് ആരംഭിക്കുക. മേയ് ഒന്ന് മുതല്‍ പുതിയ നിരക്ക് പ്രാബല്യത്തില്‍ വരും. റാഷിദ് പോര്‍ട്ടിലെ അറൈവല്‍ ടെര്‍മിനലില്‍ വരുന്ന സഞ്ചാരികളുമായി പുറപ്പെടുന്ന ടാക്സികള്‍ക്ക് മാത്രമേ പുതിയ നിരക്ക് ബാധകമാവുകയുള്ളൂ. പോര്‍ട്ടിന്‍റെ ബൗണ്ടറിക്ക് പുറത്ത് നിന്നും ടാക്സികളില്‍ കയറി യാത്ര ചെയ്യുന്നവര്‍ക്ക് സാധാരണ നിരക്ക് നല്‍കിയാല്‍ മതി. ദുബായിലെ ടാക്സികളുടെ മിനിമം നിരക്ക് ആഴ്ചകള്‍ക്ക് മുമ്പ് 10 ദിര്‍ഹമാക്കി ഉയര്‍ത്തിയിരുന്നു.
-
