വിദേശ തൊഴിലാളികളുടെ അടിസ്ഥാന ജീവിത സൗകര്യങ്ങള്‍ മെച്ചപ്പെടുത്തുന്നതിന് നിയമ നിര്‍മ്മാണം നടത്തണമെന്ന് കുവൈറ്റ് രാജ്യകുടുംബാഗവും പ്രമുഖ മനുഷ്യാവകാശ പ്രവര്‍ത്തകയുമായ അറ്റോര്‍ണി ഫൗസിയ അല്‍ സബാ ആവശ്യപ്പെട്ടു. മധ്യപൗരസ്ത്യ ദേശങ്ങളിലെ തൊഴിലാളി സംഘടനാ പ്രതിനിധികള്‍ പങ്കെടുത്ത യോഗത്തില്‍ പ്രസംഗിക്കുകയായിരുന്നു ശൈഖ ഫൗസിയ. ലോകത്ത് മനുഷ്യാവകാശ സംഘടനകള്‍ പിറക്കുന്നതിന് മുമ്പ് തന്നെ എല്ലാ മനുഷ്യര്‍ക്കും അവകാശങ്ങള്‍ തുല്യമായി സംരക്ഷിക്കപ്പെടണമെന്ന് ഇസ്ലാമിക് തത്വശാസ്ത്രം രേഖപ്പെടുത്തിയിരുന്നതായി അവര്‍ കൂട്ടിച്ചേര്‍ത്തു
-
