അബുദാബി : യു. എ. ഇ. പ്രസിഡന്‍റ് ശൈഖ് ഖലീഫ ബിന്‍ സായിദ് അല്‍ നഹ്യാന്‍റെ അതിഥി യായി റമദാന്‍ പ്രഭാഷണ ത്തിനായി ഇസ്‌ലാമിക പണ്ഡിതനും പ്രഭാഷകനും എസ്. വൈ. എസ്. സംസ്ഥാന സെക്രട്ടറി യുമായ പേരോട് അബ്ദുറഹ്മാന്‍ സഖാഫി അബുദാബി യില്‍ എത്തി.
ജനറല്‍ അതോറിറ്റി ഓഫ് ഇസ്‌ലാമിക് അഫയേഴ്‌സിന്‍റെ ( ഔഖാഫ്) ആഭിമുഖ്യ ത്തില്‍ യു. എ. ഇ. യുടെ വിവിധ ഭാഗങ്ങളില്‍ അദ്ദേഹം പ്രഭാഷണം നടത്തുന്നുണ്ട്.
വിവിധ രാജ്യങ്ങളില്‍ നിന്നായി 40 ഓളം പണ്ഡിതരാണ് അതിഥി കളായി എത്തിയിട്ടുള്ളത്. രാഷ്ട്ര പിതാവായ ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍റെ മേല്‍നോട്ട ത്തില്‍ ആരംഭിച്ച റംസാന്‍ പ്രഭാഷണ പരമ്പര യ്ക്ക് എത്തിച്ചേര്‍ന്ന പണ്ഡിതര്‍ക്ക് എല്ലാ സൗകര്യങ്ങളും മന്ത്രാലയം ഏര്‍പ്പെടുത്തിയിട്ടുണ്ട്.
-
അനുബന്ധ വാര്‍ത്തകള്‍
വായിക്കുക: മതം
