ദുബായ് : നാല്പതാം ദേശീയ ദിന ത്തില്‍ യു. എ. ഇ. ജനത യോട് ഐക്യ ദാര്‍ഡ്യം പ്രഖ്യാപിച്ച് യുവ കലാ സാഹിതി യു. എ. ഇ. കമ്മിറ്റി വിവിധ പരിപാടികള്‍ സംഘടിപ്പിക്കുന്നു.
ഡിസംബര്‍ 2 വെള്ളിയാഴ്ച രാവിലെ 10 മണിക്ക് ദുബായ് റോയല്‍ പാലസ് ഹോട്ടല്‍ ഹാളില്‍ ചേരുന്ന വനിതാ കണ്‍വെന്‍ഷന്‍ ഗീത ഗോപി എം. എല്‍. എ. ഉദ്ഘാടനം ചെയ്യും. ഉച്ചക്ക് 2 മണി ക്ക് ‘മരുഭൂവിലെ പെണ്‍ സര്‍ഗാത്മക ജീവിതം’ എന്ന വിഷയ ത്തില്‍ ഓപ്പണ്‍ ഫോറം നടക്കും.
വിവിധ മേഖല കളില്‍ പ്രവര്‍ത്തിക്കുന്ന വനിത കളായ അഞ്ജന ശങ്കര്‍, ബിന്ദു എസ്. ചിറ്റൂര്‍, അഞ്ജലി സുരേഷ്, അഡ്വ. ഐഷ സക്കീര്‍, റീന സലിം, ഷീബ ഷിജു എന്നിവര്‍ പങ്കെടുക്കും.
വനിതാ കണ്‍വെന്‍ഷന്‍ വിജയിപ്പിക്കുന്നതിന് ചേര്‍ന്ന സ്വാഗത സംഘ രൂപവത്കരണ യോഗം യുവ കലാ സാഹിതി ജോയിന്‍റ് സെക്രട്ടറി വിജയന്‍ നണിയൂര്‍ ഉദ്ഘാടനം ചെയ്തു. ബിന്ദു സതീഷ് (ചെയര്‍ പേഴ്സണ്‍), ധന്യ ഉദയ് (കണ്‍വീനര്‍) എന്നിവര്‍ ഭാരവാഹി കളായ സ്വാഗത സംഘം രൂപവത്കരിച്ചു.
-
അനുബന്ധ വാര്‍ത്തകള്‍
വായിക്കുക: യുവകലാസാഹിതി, സ്ത്രീ
