 |
 |
 |
 |
 |
 |
 |
 |
 |
 |
 |
 |
 |
 |
എല്‍.ഐ.സി ഇന്‍റര്‍നാഷണല്‍ ഇരുപതാം വാര്‍ഷികം ആഘോഷിക്കുന്നു. ഇതിന്‍റെ ഭാഗമായി ദുബായ് ഓഫീസില്‍ നിന്നും ഈ മാസം 31 ന് മുമ്പ് അംഗമാകുന്ന എല്ലാവര്‍ക്കും സ്വര്‍ണ നാണയം സമ്മാനമായി നല്‍കുമെന്ന് അധികൃതര്‍ വാര്‍ത്താക്കുറിപ്പില്‍ അറിയിച്ചു.
1989 ലാണ് എല്‍.ഐ.സി ഇന്‍റര്‍നാഷണല്‍ ആരംഭിച്ചത്. അടുത്ത വര്‍ഷം യു.എ.ഇയുടെ എല്ലാ എമിറേറ്റുകളിലും എല്‍.ഐ.സി ഇന്‍റര്‍നാഷണല്‍ ശാഖകള്‍ ആരംഭിക്കുമെന്ന് അധികൃതര്‍ അറിയിച്ചു.
-
ഖത്തറിലെ കണ്‍സോളിഡേറ്റഡ് ഗള്‍ഫ് കമ്പനി വാര്‍ഷിക ഡീലേഴ്സ് മീറ്റും അവാര്‍ഡ് വിതരണവും സംഘടിപ്പിച്ചു. ദോഹയിലെ റമദാ ഹോട്ടലിലായിരുന്നു ചടങ്ങ്. വിവിധ തലങ്ങളിലെ വില്‍പ്പനകള്‍ക്കും സേവനങ്ങള്‍ക്കുമുള്ള പുരസ്ക്കാരങ്ങള്‍ സഫാരി ഹൈപ്പര്‍മാര്‍ക്കറ്റ്, കാരിഫോര്‍, ഖത്തര്‍ ഡ്യൂട്ടി ഫ്രീ, ഡ്രീം ഫോണ്‍സ്, ഇമാസ്ക്, ഫോണ്‍ സിറ്റി തുടങ്ങിയ സ്ഥാപനങ്ങള്‍ നേടി.
-
ദുബായിലെ ബ്രീട്ടീഷ് ഗ്രൂപ്പ് ഓഫ് കമ്പനീസിന്‍റെ പുതിയ സംരംഭമായ ബ്രിട്ട് സ്റ്റാര്‍ മൊബൈല്‍, ഖിസൈസ് ലുലു ഹൈപ്പര്‍മാര്‍ക്കറ്റില്‍ പ്രവര്‍ത്തനം ആരംഭിച്ചു. എംകേ ഗ്രൂപ്പ് റീജണല്‍ ഡയറക്ടര്‍ എം.എ സലീം ഷോറൂമിന്‍റെ ഉദ്ഘാടനം നിര്‍വഹിച്ചു. നിരവധി പ്രമുഖര്‍ പങ്കെടുത്തു. ബ്രിട്ട് സ്റ്റാര്‍ മൊബൈല്‍ ഈ മാസം അവസാനത്തോടെ കരാമ ലുലു സെന്‍ററില്‍ പ്രവര്‍ത്തനം ആരംഭിക്കുമെന്ന് അധികൃതര്‍ വ്യക്തമാക്കി.
-
യു.എ.ഇയിലെ സുഗന്ധദ്രവ്യ വിപണിയില്‍ സാനിധ്യമുറപ്പിക്കാന്‍ പ്രമുഖ പെര്‍ഫ്യൂം കമ്പനിയായ സെലിബ്രെ വിപുല പദ്ധതികള്‍ ആവിഷ്ക്കരിച്ചു. ഇതിന്‍റെ ഭാഗമായി രാജ്യവ്യാപക വിതരണ ശൃംഖലയുള്ള അല്‍ ഹത്ബൂര്‍ ഗ്രൂപ്പുമായി കരാറില്‍ ഒപ്പുവച്ചു. സെലിബ്രെ നിര്‍മ്മാതാക്കളായ അമാലിയ ഗ്രൂപ്പിന് വേണ്ടി മാനേജിംഗ് ഡയറക്ടര്‍ സെബാസ്റ്റ്യന്‍ ജോസഫും അല്‍ ഹത്ബൂര്‍ ഗ്രൂപ്പിന് വേണ്ടി സീനിയര്‍ ജനറല്‍ മാനേജര്‍ പങ്കജ് മേനോനുമാണ് കരാറില്‍ ഒപ്പുവച്ചത്. ചടങ്ങില്‍ അല്‍ ഹത്ബൂര്‍ സി.ഇ.ഒ എം സലാഹുദ്ദീനും പങ്കെടുത്തു. എല്ലാ ഗള്‍ഫ് രാജ്യങ്ങളിലും സെലിബ്രെ ഉടന്‍ ലഭ്യമാക്കുമെന്ന് സെബാസ്റ്റ്യന്‍ ജോസഫ് വാര്‍ത്താ സമ്മേളനത്തില്‍ അറിയിച്ചു.
-
ഖത്തര്‍ യു.എ.ഇ എക്സ് ചേഞ്ചിന് ഗുണമേന്മയ്ക്കുള്ള ഐ.എസ്.ഒ 9001 സര്‍ട്ടിഫിക്കറ്റ് ലഭിച്ചു. ലോക നിലവാരത്തിലുള്ള ക്വാളിറ്റി മാനേജ്മെന്‍റ് സിസ്റ്റം നടപ്പിലാക്കിയതിനാണ് ഈ സര്‍ട്ടിഫിക്കറ്റ് ലഭിച്ചത്. ഖത്തറില്‍ ഈ അംഗീകാരം ലഭിച്ച ആദ്യ എക്സ് ചേഞ്ചാണ് ഖത്തര്‍ യു.എ.ഇ എക്സ് ചേഞ്ചെന്ന് ജനറല്‍ മാനേജര്‍ ലക്ഷീനാരായണന്‍ വാര്‍ത്താക്കുറിപ്പില്‍ പറഞ്ഞു
-
വായിക്കുക: money-exchange, uae-exchange, ബഹുമതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |