കഴിഞ്ഞ മുപ്പത് വര്‍ഷ ക്കാലമായി അബുദാബിയില്‍ പ്രവര്‍ത്തിച്ചു വരുന്ന “മുഗള്‍ റസ്റ്റോറന്‍റ്” മദീനാ സായിദിലെ പഴയ കെട്ടിടത്തില്‍ തന്നെ പുതിയ രൂപത്തിലും ഭാവത്തിലും ആധുനിക സൌകര്യങ്ങളോടു കൂടി വീണ്ടും തുറന്നു പ്രവര്‍ത്തനം ആരംഭിച്ചു. അബുദാബിയിലെ മലയാളി സമൂഹത്തിലും സാംസ്കാരിക രംഗത്തും നൂതനമായ പല മുന്നേറ്റങ്ങള്‍ക്കും സാക്ഷിയായി തീര്‍ന്ന മുഗള്‍ റസ്റ്റോറന്‍റ്, കാലത്തിന് അനുസരിച്ച മാറ്റങ്ങള്‍ ഉള്‍ക്കൊണ്ട് വീണ്ടും പ്രവര്‍ത്തനം തുടങ്ങിയ വേളയില്‍, അബുദാബിയിലെ സാമൂഹിക സാംസ്കാരിക ബിസിനസ്സ് മേഖലകളിലെ പ്രമുഖരുടെ സാന്നിദ്ധ്യവും കൊണ്ട് ശ്രദ്ധേയമായി.

ജോയ് ആലുക്കാസിന്‍റെ പുതിയ ഷോറൂം അബുദാബിയില്‍ തുറന്നു. അബുദാബി അല്‍വാദ മാളിലെ ലൂലൂ ഹൈപ്പര്‍മാര്‍ക്കറ്റിലാണ് പുതിയ ശാഖ, എംകെ ഗ്രൂപ്പ് മാനേജിംഗ് ഡയറക്ടര്‍ എംഎ യൂസഫലിയാണ് ശാഖ ഉദ്ഘാടനം ചെയ്തത്. ജോയ് ആലുക്കാസ് ചെയര്‍മാന്‍ ജോയ് ആലുക്ക സന്നിഹിതനായിരുന്നു.

മലബാര്‍ ഗോള്‍ഡ് ബര്‍ദുബായിലെ ഷോറൂമില്‍ മൈന്‍ എന്ന പേരില്‍ ഡയമണ്ട് സെക്ഷന്‍ ആരംഭിച്ചു. ഫെലീസ, സൂക്കി, ഫൂഷ്യന്‍ തുടങ്ങിയ ബ്രാന്‍ഡുകളും സോളിറ്റെയര്‍ കളക്ഷനുകളും ഇവിടെ ലഭ്യമാണെന്ന് അധികൃതര്‍ അറിയിച്ചു. ഇവിടെ നിന്ന് വാങ്ങുന്ന ഡയമണ്ട് ജ്വല്ലറികള്‍ക്ക് ആജീവനാന്ത സേവനവും ഇന്‍റര്‍നാഷണല്‍ സര്‍ട്ടിഫിക്കറ്റും നല്‍കുന്നുണ്ട്. ഉദ്ഘാടനത്തോട് അനുബന്ധിച്ച് നടത്തിയ നറുക്കെടുപ്പില്‍ ജ്യോതി എന്‍ ഭാട്യ വിജയിയായി. ഡയമണ്ട് ആഭരണങ്ങളുടെ വൈവിധ്യമേറിയ ശേഖരമാണ് ബര്‍ദുബായിലെ ഷോറൂമില്‍ സജ്ജീകരിച്ചിരിക്കുന്നതെന്ന് മാനേജിംഗ് ഡയറക്ടര്‍ ഷംലാല്‍ പറഞ്ഞു.

ബഹ്റിനിലെ ഗോള്‍ഡ് ലിങ്ക് എന്ന നിക്ഷേപ സ്ഥാപനത്തിനെതിരെ ഏജന്‍റുമാര്‍ വാണിജ്യ മന്ത്രാലയത്തിന് പരാതി നല്‍കി. രണ്ട് ആഴ്ചയായി അടച്ചിട്ടിരിക്കുന്ന ഈ സ്ഥാപനത്തിനെതിരെ നിക്ഷേപകരും ഏജന്‍റുമാരും നേരത്തെ ഇന്ത്യന്‍ എംബസിയില്‍ പരാതി നല്‍കിയിരുന്നു. ഈ സ്ഥാപനവുമായി ബന്ധപ്പെട്ടവര്‍ രാജ്യം വിടുന്നത് തടയുമെന്ന് മന്ത്രാലയം അറിയിച്ചതായി ഏജന്‍റുമാര്‍ പറഞ്ഞു.

ജോയ് ആലുക്കാസിന്‍റെ പുതിയ ഷോറൂം അറേബ്യന്‍ സെന്‍ററില്‍ തുറന്നു. മിര്‍ദിഫില്‍ കവനീജ് റോഡിലാണ് അറേബ്യന്‍ സെന്‍റര്‍. ദുബായ് ഇന്ത്യന്‍ കോണ്‍സുല്‍ ജനറല്‍ വേണു രാജാമണി പുതിയ ഷോറൂം ഉദ്ഘാടനം ചെയ്തു. 2009 അവസാനത്തോടെ ജോയ് ആലുക്കാസിന്‍റെ 14 ഷോറുമുകള്‍ കൂടി തുറക്കുമെന്ന് അധികൃതര്‍ അറിയിച്ചു.