ഷാര്‍ജ ജല-വൈദ്യുതി അഥോറിറ്റിയുടെ ബില്ലുകള്‍ അടയ്ക്കാന്‍ ഇ പെയ് മെന്‍റ് സംവിധാനം ഏര്‍പ്പെടുത്തി. തെരഞ്ഞെടുത്ത ബാങ്കുകളിലെ എ.ടി.എം മെഷീനുകളിലൂടെ തുക അടയ്ക്കാം. 19 ബാങ്കുകളിലെ ഈ സംവിധാനം ലഭ്യമാകും. ഈസി പേ സോഫ്റ്റ് വെയര്‍ ഉപയോഗിച്ചാണ് ഈ സംവിധാനം നടപ്പിലാക്കിയിരിക്കുന്നത്. ഭാവിയില്‍ തെരഞ്ഞെടുത്ത ഷോപ്പിംഗ് മോളുകളിലും കോ-ഓപ്പറേറ്റീവ് സൊസൈറ്റികളിലും ഈ സേവനം ഏര്‍പ്പെടുത്തുമെന്ന് സേവ കസ്റ്റമര്‍ സര്‍വീസ് ഡയറക്ടര്‍ ഹമീദ് താഹിര്‍ അല്‍ ഹജ്ജ് പറഞ്ഞു.

സൗദി അറേബ്യന്‍ എയര്‍ലൈന്‍സ് അന്താരാഷ്ട്ര സര്‍വീസുകളില്‍ ടിക്കറ്റ് നിരക്ക് കുറച്ചു. 10 മുതല്‍ 15 വരെ ശതമാനം വരെയാണ് നിരക്ക് കുറച്ചതെന്ന് സൗദി അറേബ്യന്‍ എയര്‍ലൈന്‍സ് പ്രതിനിധി അബ്ദുല്ല അല്‍ അജ്ഹര്‍ അറിയിച്ചു. ഇന്ധനവില കുറഞ്ഞ സാഹചര്യത്തിലാണ് ടിക്കറ്റ് നിരക്ക് കുറച്ചത്.

പ്രമുഖ ജ്വല്ലറി ഗ്രൂപ്പായ ജോയ് ആലുക്കാസിന്‍റെ 10 ബിഎംഡബ്ലൂ കാര്‍ നല്‍കുന്ന സമ്മാന പദ്ധതിയിലെ പ്രഥമ വിജയിയെ തെരഞ്ഞെടുത്തു. ഇന്നലെ ബര്‍ദുബായ് ജോയ് ആലുക്കാസ് ഷോറൂമില്‍ നടന്ന നറുക്കെടുപ്പില്‍ ചെയര്‍മാന്‍ ജോയ് ആലുക്കാസ്, ജനറല്‍ മാനേജര്‍ ടോമി എന്നിവര്‍ പങ്കെടുത്തു.

ബ്രിട്ടീഷുകാരനായ ഹുമ കപാത്തി ആണ് ബിഎംഡബ്ലു കാര്‍ സമ്മാനമായി ലഭിച്ചത്. സമ്മാന പദ്ധതിയിലെ ദുബായ് മേഖലയിലെ നറുക്കെടുപ്പ് മാത്രമാണ് പൂര്‍ത്തിയായത്. മറ്റ് എമിറേറ്റുകളിലേയും ഇന്ത്യയിലേയും സമ്മാന പദ്ധതി തുടരും.

ജിദ്ദയിലെ വസ്ത്രവ്യാപാരമായ ശൃംഖലയായ ദര്‍ശന ടെക്സ്റ്റയില്‍സിന്‍റെ ബലദ് ശാഖ പുതിയ സമ്മാന പദ്ധതി പ്രഖ്യാപിച്ചു. പത്ത് പേര്‍ക്ക് ആകര്‍ഷമായ സമ്മാനങ്ങള്‍ നല്‍കുന്നതാണ് പദ്ധതി. നൂറു റിയാലിന്‍റെ ഷോപ്പിംഗ് നടത്തുന്ന എല്ലാ ഉപഭോക്താക്കള്‍ക്കും സമ്മാനക്കൂപ്പണ്‍ വിതരണം ചെയ്യും. സമ്മാനപദ്ധതി ജനുവരി 31 വരെ നീണ്ടു നില്‍ക്കുമെന്ന് മാനേജ് മെന്‍റ് ആറിയിച്ചു.