കുവൈറ്റ് പ്രധാനമന്ത്രി ശൈഖ് നാസര്‍ മുഹമ്മദ് അല്‍ സബായെ പാര്‍ലമെന്‍റില്‍ ചോദ്യം ചെയ്യുന്നതിന് ഇസ്ലാമിസ്റ്റ് കോണ്‍സ്റ്റിറ്റ്യൂഷണല്‍ മൂവ് മെന്‍റില്‍ പെട്ട പാര്‍ലമെന്‍റ് അംഗങ്ങള്‍ തയ്യാറെടുക്കുന്നു. എണ്ണ വാതക മേഖലയില്‍ അമേരിക്കന്‍ കമ്പനിയായ ഡോ കെമിക്കല്‍സുമായി ഉണ്ടാക്കിയ കരാറുമായി ബന്ധപ്പെട്ടായിരിക്കും ചോദ്യം ചെയ്യല്‍. അഴിമതി ആറോപണങ്ങളെ തുടര്‍ന്ന് 600 കോടി ദിനാറിനുള്ള കരാര്‍ റദ്ദാക്കിയിരുന്നു. രണ്ട് ആഴ്ചയ്ക്കകം ചോദ്യം ചെയ്യാനായി പാര്‍ലമെന്‍റ് സ്പീക്കറെ സമീപിക്കുമെന്ന് എംപിമാര്‍ അറിയിച്ചു. രണ്ട് മാസം മുമ്പ് പ്രധാനമന്ത്രി പാര്‍ലമെന്‍റില്‍ ചോദ്യം ചെയ്യപ്പെടും എന്ന് ഉറപ്പായതിനെ തുടര്‍ന്ന് കുവൈറ്റ് മന്ത്രി സഭ പിരിച്ചുവിട്ട് പുതിയ മന്ത്രിസഭയ്ക്ക് രൂപം നല്‍കിയിരുന്നു.
-
