ഇന്ത്യയിലെ പ്രശസ്ത ചിത്രകാരന്മാരുടെ ചിത്രപ്രദര്‍ശനം മസ്ക്കറ്റില്‍ സംഘടിപ്പിക്കുന്നു. ഈ മാസം 15,16 തീയതികളില്‍ ഇന്ത്യന്‍ എംബസി ഓഡിറ്റോറിയത്തിലാണ് പ്രദര്‍ശനം. യൂസുഫ് അറക്കല്‍, മനു പരേഖ്, മാധവി പരേഖ്, സീമ കോഹ് ലി എന്നിവരുടെ ചിത്രങ്ങളാണ് പ്രദര്‍ശനത്തിന് ഉണ്ടാവുക. ഒമാന്‍ ഉപപ്രധാനമന്ത്രിയുടെ ഓഫീസ് സെക്രട്ടറി ജനറല്‍ സയ്യിദ് കാമില്‍ ബിന്‍ ഫഹദ് അല്‍ സെയ്ദ് ഉദ്ഘാടനം ചെയ്യും. പൊതുജനങ്ങള്‍ക്ക് പ്രദര്‍ശനം കാണാന്‍ അവസരം ഒരുക്കിയിട്ടുണ്ടെന്ന് ഇന്ത്യന്‍ അംബാസഡര്‍ അനില്‍ വാദ് വ വാര്‍ത്താ സമ്മേളനത്തില്‍ പറഞ്ഞു.
-
