യു.എ.ഇയിലെ തിരുവനന്തപുരം ജില്ലാ പ്രവാസി സംഘടനയായ ടെക്സാസ് ഗ്ലോബല്‍ മീറ്റ് സംഘടിപ്പിക്കുന്നു. ഈ മാസം 25 ന് തിരുവനന്തപുരം റസിഡന്‍സി ഹോട്ടലിലാണ് മീറ്റ് സംഘടിപ്പിക്കുന്നത്. ഇതിനോടനുബന്ധിച്ച് നടക്കുന്ന സെമിനാറില്‍ കേന്ദ്രമന്ത്രി ശശി തരൂര്‍, മന്ത്രിമാരായ വിജയകുമാര്‍, പി.കെ ശ്രീമതി, പാര്‍ലമെന്‍റ് അംഗങ്ങളായ സമ്പത്ത്, ഇ.ടി മുഹമ്മദ് ബഷീര്‍ തുടങ്ങിയവര്‍ പങ്കെടുക്കും. ടെക്സാസ് പ്രസിഡന്‍റ് ആര്‍.നൗഷാദ് ദുബായില്‍ വാര്‍ത്താ സമ്മേളനത്തില്‍ അറിയിച്ചതാണിത്. തിരുവനന്തപുരം ജില്ലയിലെ നിര്‍ധനരായ യുവതീയുവാക്കളുടെ സമൂഹ വിവാഹം നടത്തുമെന്നും ഇദ്ദേഹം പറഞ്ഞു. വാര്‍ത്താ സമ്മേളനത്തില്‍ ടോം ദാസന്‍, നോര്‍ബര്‍ട്ട് ലോപസ്, പ്രസാദ് എന്നിവരും പങ്കെടുത്തു.
-
