ദുബായ് ഷോപ്പിംഗ് ഫെസ്റ്റിവലിന്‍റെ പ്രധാന ആകര്‍ഷണ കേന്ദ്രമായ ഗ്ലോബല്‍ വില്ലേജ് ഞായാറാഴ്ച തുറന്ന് പ്രവര്‍ത്തിക്കും. ഈ സീസണില്‍ ഫെബ്രുവരി 27 വരെ ഗ്ലോബല്‍ വില്ലേജ് തുറന്ന് പ്രവര്‍ത്തിക്കും. മുന്‍വര്‍ഷത്തെ അപേക്ഷിച്ച് ഗ്ലോബല്‍ വില്ലേജിന്‍റെ രൂപകല്‍പ്പനയില്‍ കാര്യമായ മാറ്റം വരുത്തിയിട്ടുണ്ട്. ഇത്തവണത്തെ 6000 കലാപരിപാടികള്‍ ഇതോടനുബന്ധിച്ച് തയ്യാറാക്കിയിട്ടുണ്ട്. ബലിപെരുന്നാള്‍, യുഎഇ ദേശീയ ദിനം, ക്രിസ്മസ്,ന്യൂഇയര്‍, ഡിഎസ്എഫ് എന്നിവ പ്രമാണിച്ച് പ്രത്യേക പരിപാടികള്‍ സംഘടിപ്പിച്ചിട്ടുണ്ട്. ഇന്ന് നടന്ന വാര്‍ത്താ സമ്മേളനത്തില്‍ ഗ്ലോബല്‍ വില്ലജ് പ്രൊജക്ട് ഡയറക്ടര്‍ സയിദ് അലി ബിന്‍ രേദ ഇക്കാര്യങ്ങള്‍ വിശദീകരിച്ചു.
-
