ഖത്തറിലെ തൃശൂര്‍ ജില്ലക്കാരുടെ കൂട്ടായ്മയായ തൃശൂര്‍ ജില്ലാ സൗഹൃദവേദി ഇക്കൊല്ലത്തെ അവാര്‍ഡുകള്‍ പ്രഖ്യാപിച്ചു. വിവിധ വിഭാഗങ്ങളില്‍ മുന്‍ മന്ത്രി ഇ. ചന്ദ്രശേഖരന്‍ നായര്‍, പി. ഗോവിന്ദപിള്ള, അബ്ദുസമദ് സമദാനി, ഫാ. വര്‍ഗീസ് പാലത്തിങ്കല്‍, കുരീപ്പുഴ ശ്രീകുമാര്‍, മധു, ശ്യാമപ്രസാദ് തുടങ്ങിയവര്‍ക്കാണ് അവാര്‍ഡ് ലഭിക്കുക. 25,000 രൂപയും ഫലകവും അടങ്ങുന്നതാണ് അവാര്‍ഡ്. അടുത്ത ഏപ്രീലില്‍ തൃശൂരില്‍ നടക്കുന്ന ചടങ്ങില്‍ ഇവ വിതരണം ചെയ്യുമെന്ന് സംഘടനയുടെ രക്ഷാധികാരി സി.കെ മേനോന്‍ വാര്‍ത്താ സമ്മേളനത്തില്‍ അറിയിച്ചു. വി.കെ സലീം, കെ.എം അനില്‍, സലിം പൊന്നമ്പത്ത് എന്നിവരും വാര്‍ത്താ സമ്മേളനത്തില്‍ പങ്കെടുത്തു.
-
