അബുദാബി കേന്ദ്രമായി പ്രവര്‍ത്തിക്കുന്ന ചാവക്കാട് നിവാസികളുടെ പ്രവാസി കൂട്ടായ്മ ബാച്ച് ചാവക്കാടിന്‍റെ മെമ്പര്‍ഷിപ്പ് കാമ്പയിന്‍ ആരംഭിച്ചു. ഗുരുവായൂര്‍ നിയോജക മണ്ഡലത്തിലെ അബൂദാബിയിലെ എല്ലാ സുഹൃത്തുക്കളും ഈ സംഘടനയുമായി ബന്ധപ്പെടണമെന്ന് ഭാരവാഹികള്‍ അറിയിച്ചു. വിഭാഗീയതകള്‍ ഏതുമില്ലാതെ, ജാതി മത രാഷ്ട്രീയ വര്‍ഗ്ഗ വര്‍ണ്ണ വിവേചനമില്ലാതെ എല്ലാവര്‍ക്കുമായി ഒരു കൂട്ടായ്മ അതാണ് ബാച്ച് ചാവക്കാട് എന്നും, മെമ്പര്‍മാര്‍ക്ക് പ്രവാസ ജീവിതത്തില്‍ എല്ലാ സഹായങ്ങളും ബാച്ചില്‍ നിന്നും ഉണ്ടാവുമെന്നും ബന്ധപ്പെട്ടവര്‍ അറിയിക്കുന്നു. ഈ പ്രവാസി കൂട്ടായ്മയോടു സഹകരിക്കാന്‍ താല്പര്യമുള്ളവര്‍ താഴെ കൊടുത്തിരിക്കുന്ന നമ്പരുകളില്‍ ബന്ധപ്പെടുക.
| ജൂലാജു | : | 050 5818334 |
| ഷറഫുദ്ദീന്‍ എം. കെ | : | 050 5705291 |
| ബഷീര്‍ കുറുപ്പത്ത് | : | 050 6826746 |
| : | batchchavakkad അറ്റ് gmail ഡോട്ട് com |
കഥാപ്രസംഗ കലയിലെ സൂപ്പര്‍ സ്റ്റാര്‍ ആയിരുന്ന വി. സാംബശിവന്‍ വിജയകരമായി അവതരിപ്പിച്ച് മലയാളി മനസ്സുകളില്‍ ഒരു കാലത്ത് തരംഗമായി മാറിയിരുന്ന വയലാര്‍ രാമ വര്‍മ്മയുടെ ‘ആയിഷ’ അബുദാബി കേരള സോഷ്യല്‍ സെന്ററില്‍ ആഗസ്റ്റ് 17 തിങ്കളാഴ്ച രാത്രി 8 മണിക്ക് പ്രശസ്ത കാഥികന്‍ ചിറക്കര സലിം കുമാര്‍ അവതരിപ്പിക്കുന്നു. അബുദാബിയിലെ കലാ പ്രേമികള്‍ക്ക് വളരെ നാളുകള്‍ക്കു ശേഷം ലഭിക്കുന്ന ഈ അവസരം പുതിയ ഒരു അനുഭവമാക്കി മാറ്റുവാനുള്ള തയ്യാറെടുപ്പിലാണ് സംഘാടകര്‍. 
സ്വാതന്ത്ര്യ ദിനാഘോഷത്തിന്റെ ഭാഗമായി, യു. എ. ഇ യിലെ ഒരുമനയൂര്‍ നിവാസികളുടെ പ്രവാസി കൂട്ടായ്മ
ഷാര്‍ജ: രിസാല സ്റ്റഡി സര്‍ക്കിള്‍ സംഘടിപ്പിച്ച സാഹിത്യോ ത്സവുകള്‍ക്ക്‌ ദേശീയ തല മത്സരത്തോടെ ആവേശ കരമായ സമാപനം. ഷാര്‍ജ ഗള്‍ഫ്‌ ഏഷ്യന്‍ ഇംഗ്ലീഷ്‌ സ്കൂളില്‍ നടന്ന നാഷണല്‍ സാഹിത്യോ ത്സവില്‍ അബുദാബി സോണ്‍ 128 പോയിന്റുകളോടെ ഒന്ന‍ാം സ്ഥാനത്തെത്തി. 122 പോയിന്റുകളോടെ ദുബൈ സോണ്‍ രണ്ടാം സ്ഥാനത്തും 71 പോയിന്റോടെ അല്‍ ഐന്‍ സോണ്‍ മൂന്ന‍ാം സ്ഥാനത്തുമെത്തി. 26 പോയിന്റുകള്‍ നേടിയ അബ്ദുര്‍റഹ്മാന്‍ (അബുദാബി) കലാ പ്രതിഭയായി തിരഞ്ഞെടുക്കപ്പെട്ടു. ജൂനിയര്‍, സീനിയര്‍, ജനറല്‍ വിഭാങ്ങളിലായി 23 ഇനങ്ങളില്‍ പത്തു സോണുകളില്‍ നിന്ന‍ുള്ള പ്രതിഭകളാണ്‌ മാറ്റുരച്ചത്. 
1945 ആഗസ്റ്റ് ആറിന് അമേരിക്കയുടെ “ലിറ്റില്‍ ബോയ്” എന്ന ഓമന പ്പേരില്‍ അറിയപ്പെടുന്ന അണു ബോംബ് ഹിരോഷിമയില്‍ 140,000 പേരേയും, ആഗസ്റ്റ് ഒന്‍പതിന് നാഗസാക്കിയില്‍ “ഷാറ്റ് മാന്‍” 80,000 പേരേയുമാണ് നിമിഷ നേരം കൊണ്ട് ചാരം പോലും അവശേഷി പ്പിക്കാതെ ഭൂമുഖത്ത് നിന്ന് ആവിയാക്കി കളഞ്ഞത്, ജന്തു സസ്യ ജാലങ്ങളുടെ കണക്കുകള്‍ പുറമെ. ഈ ദിനങ്ങളെ ഓര്‍മ്മിപ്പിച്ചു കൊണ്ട് ആഗസ്റ്റ് 7 വെള്ളിയാഴ്ച വൈകീട്ട് 6 മണിക്ക്, അബുദാബി കേരള സോഷ്യല്‍ സെന്ററില്‍ വെച്ച് ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത് യുദ്ധ വിരുദ്ധ സെമിനാര്‍ സംഘടിപ്പിക്കുന്നു.
