ദുബായ്‌ : കാസര്‍ക്കോട്ട് ആയിരത്തിലേറെ പേരുടെ ജീവന്‍ തട്ടിയെടുക്കുകയും അതിലുമേറെ പേര്‍ക്ക് അര ജീവിതം നല്‍കുകയും ചെയ്ത എന്‍ഡോസള്‍ഫാന്‍ എന്ന ജീവ നാശിനി ക്കെതിരെയുള്ള പോരാട്ടത്തിന് നേതൃത്വം നല്‍കുന്ന എഴുത്തുകാരനും ഡോക്യുമെന്ററി സംവിധായകനുമായ പ്രൊഫ. എം. എ. റഹ്മാന്‍ ഫെബ്രുവരി 24 വ്യാഴാഴ്ച യു. എ. ഇ. യില്‍ എത്തും. എന്‍ഡോസള്‍ഫാന്‍ ദുരിത ബാധിതര്‍ക്ക്‌ സഹായം എത്തിക്കാനുള്ള ലക്ഷ്യവുമായി രൂപം കൊണ്ട എന്‍ഡോസള്‍ഫാന്‍ വിക്ടിംസ് സപ്പോര്‍ട്ട് ഗ്രൂപ്പ്‌ അദ്ദേഹത്തെ വൈകീട്ട് നാലിന് ദുബായ്‌ രാജ്യാന്തര വിമാനത്താവളത്തില്‍ സ്വീകരിക്കും.
അബുദാബി, ദുബായ്‌, ഷാര്‍ജ എന്നിവിടങ്ങളില്‍ എന്‍ഡോസള്‍ഫാന്‍ വിക്ടിംസ് സപ്പോര്‍ട്ട് ഗ്രൂപ്പ്‌ ഒരുക്കുന്ന വിവിധ പരിപാടികളില്‍ അദ്ദേഹം പ്രഭാഷണം നടത്തും. എന്‍ഡോസള്‍ഫാന്‍ എന്ന മാരകമായ കീടനാശിനിയുടെ പ്രയോഗം മൂലം കഴിഞ്ഞ ഇരുപത്തിയഞ്ച് വര്‍ഷത്തോളം പ്രദേശത്തെ ജനത അനുഭവിച്ച ദുരിതത്തിന്റെ നേര്‍ക്കാഴ്ച നല്‍കുന്ന വീഡിയോ പ്രദര്‍ശനം തദവസരത്തില്‍ നടക്കും.
- ജെ.എസ്.
അനുബന്ധ വാര്‍ത്തകള്‍
വായിക്കുക: green-people, pesticide, struggle
