ന്യൂഡല്ഹി : യുദ്ധേതര ആവശ്യങ്ങള്ക്കുള്ള ആണവ സഹകരണം ഉറപ്പു വരുത്താന് ഇന്ത്യയും ബ്രിട്ടനും തമ്മില് ആണവ കരാറില് ഒപ്പ് വെച്ചു. ഇതോടെ ഇന്ത്യ ഇത്തരം ഒരു ആണവ കരാറില് ഏര്പ്പെടുന്ന എട്ടാമത്തെ രാഷ്ട്രമായി ബ്രിട്ടന്. ഇതിനു മുന്പ് റഷ്യ, ഫ്രാന്സ്, അമേരിക്ക, കസാഖിസ്ഥാന്, മംഗോളിയ, അര്ജന്റീന, നമീബിയ എന്നീ രാജ്യങ്ങളുമായി ഇന്ത്യ ആണവ കരാറുകളില് ഒപ്പിട്ടിട്ടുണ്ട്. ആണവ ഊര്ജ്ജ കമ്മീഷന് ചെയര്മാന് ശ്രീകുമാര് ബാനര്ജിയും ഇന്ത്യയിലെ ബ്രിട്ടീഷ് ഹൈ കമ്മീഷണര് സര് റിച്ചാര്ഡ് സ്ടാഗും ആണ് വ്യാഴാഴ്ച കരാറില് ഒപ്പിട്ടത്. ഇതോടെ ആണവ ഊര്ജ്ജ സാങ്കേതിക രംഗത്തെ ബ്രിട്ടീഷ് വ്യവസായ ങ്ങള്ക്ക് ഇന്ത്യയുമായി കച്ചവടത്തില് ഏര്പ്പെടാന് ആവശ്യമായ നിയമത്തിന്റെ ചട്ടക്കൂട് ലഭ്യമാകും.
- ജെ.എസ്.
