ജെറുസലേം : ഗാസയിലേയ്ക്ക് സഹായവുമായി പോയ ലിബിയന് കപ്പല് അമല്തിയയെ ഇസ്രയേലി നാവിക സേന തടഞ്ഞു. ചൊവ്വാഴ്ച അര്ദ്ധ രാത്രി കപ്പലിന്റെ എഞ്ചിനില് ചില തകരാറുകള് രൂപപ്പെടുകയും കപ്പല് അറ്റകുറ്റ പണികള്ക്കായി എന്ജിന് നിര്ത്തിവെച്ചു ചലനമറ്റു കിടക്കുകയും ചെയ്തു. ഇതിനിടയിലാണ് ഇസ്രയേലി നാവിക സേന കപ്പലിനെ വളഞ്ഞത്. ഗാസയില് നിന്നും 130 കിലോമീറ്റര് അകലെ വെച്ച് നാല് ഇസ്രയേലി മിസൈല് വാഹിനി യുദ്ധ ക്കപ്പലുകള് ലിബിയന് കപ്പലിനെ വളയുകയും കപ്പല് ഇസ്രയേലി തുറമുഖത്ത് അടുപ്പിക്കുവാന് ആവശ്യപ്പെടുകയും ചെയ്തു. ലിബിയന് നേതാവ് മൊഅമ്മര് ഗദ്ദാഫിയുടെ പുത്രന്റെ നേതൃത്വത്തിലുള്ള സഹായമായ 2000 ടണ് ഭക്ഷണവും മരുന്നുകളുമാണ് കപ്പലില് ഉള്ളത്.
 |
 |
 |
 |
 |
 |
 |
 |
 |
 |
 |
 |
 |
 |
ഗാസയിലേക്ക് സഹായവുമായെത്തിയ “ഫ്ലോട്ടില്ല” യെ ഇസ്രയേലി കമാന്ഡോകള് ആക്രമിച്ചു. ഇരുപതോളം പേര് മരിച്ചതായാണ് വിവരം ലഭിച്ചിട്ടുള്ളത്. ആഗോള തലത്തില് വന് പ്രതിഷേധത്തിന് ഇത് ഇടയാക്കിയിട്ടുണ്ട്. ബ്രിട്ടന്, അയര്ലാന്ഡ്, അള്ജീരിയ, കുവൈറ്റ്, ഗ്രീസ്, ടര്ക്കി എന്നിവിടങ്ങളില് നിന്നും എത്തിയ ആറു കപ്പലുകളുടെ ഒരു സംഘമാണ് ഫ്ലോട്ടില്ല എന്ന സഹായ സംരംഭത്തില് ഉണ്ടായിരുന്നത്.
ഗാസയിലെ ഹമാസിന്റെ ശക്തി കേന്ദ്രം തകര്ക്കാനുള്ള ഇസ്രയേലിന്റെ ഭീഷണിക്കെതിരെ പലസ്തീന് പിന്തുണയുമായി ഇറാന് രംഗത്തെത്തി. ഇസ്രായേല് പുതിയ സാഹസങ്ങള്ക്ക് മുതിരരുത് എന്നാണ് ഇത് സംബന്ധിച്ച് തങ്ങളുടെ നിലപാട് വ്യക്തമാക്കി ക്കൊണ്ട് ഇറാന് പ്രസിഡണ്ട് മഹ്മൂദ് അഹമ്മദി നെജാദ് ശനിയാഴ്ച പറഞ്ഞത്. ദക്ഷിണ ലെബനോനില് 2006ല് നടന്ന യുദ്ധത്തിലും, ഗാസയില് 2009 – 2010 ല് പലസ്തീന് നടത്തിയ ചെറുത്ത് നില്പ്പിലും ഏറ്റ പരാജയം ഇസ്രായേല് മറക്കരുത് എന്ന് അദ്ദേഹം ഓര്മ്മപ്പെടുത്തി. ഗാസയില് നിന്നും ഇസ്രയേലിനു നേരെ നടത്തുന്ന റോക്കറ്റ് ആക്രമണം നിര്ത്തിയില്ലെങ്കില് ഇസ്രായേല് വീണ്ടും ആക്രമണം നടത്താന് നിര്ബന്ധിതമാകും എന്ന് കഴിഞ്ഞ ദിവസം ഇസ്രായേല് ഉപ പ്രധാന മന്ത്രി സില്വന് ഷാലോം പ്രഖ്യാപിച്ചിരുന്നു.
ദുബായ് : അമേരിക്കന് പ്രസിഡണ്ട് ബറക് ഒബാമയ്ക്ക് നൊബേല് പുരസ്കാരം ലഭിച്ചത് ഏറ്റവും അനുചിതമായ ഒരു സമയത്താണ് എന്ന് അറബ് ജനത പരക്കെ കരുതുന്നു. ഇന്നലെ ഓസ്ലോയില് വെച്ച് ഒബാമ നൊബേല് പുരസ്കാരം ഏറ്റു വാങ്ങുന്നതിന് ഏതാനും ദിവസം മുന്പാണ് അമേരിക്ക അഫ്ഗാനിസ്ഥാനിലേക്ക് 30,000 സൈനികരെ കൂടി അയക്കാനുള്ള തീരുമാനം എടുത്തത്. ഇത് ആഗോല തലത്തില് മുസ്ലിം ലോകത്തെ പ്രകോപിപ്പിച്ചിട്ടുണ്ട്. 
ഇറാന് ആണവ ക്ഷമത കൈവരുന്ന പക്ഷം നാലില് ഒന്ന് പേര് തങ്ങള് ഇസ്രയേല് ഉപേക്ഷിച്ച് പോവും എന്ന് അഭിപ്രായപ്പെട്ടു. ഇസ്രയേലിലെ പ്രശസ്തമായ ടെല് അവീവ് സര്വ്വകലാശാല നടത്തിയ ഒരു സര്വ്വേയില് ആണ് ഇത് വെളിപ്പെട്ടത്. സെന്റര് ഫോര് ഇറാനിയന് സ്റ്റഡീസ് ആണ് പ്രസ്തുത പഠനം നടത്തിയത്. ഇറാന് അണു ബോംബ് കൈവശപ്പെടുത്തും എന്ന് തങ്ങള് ഭയക്കുന്നു എന്ന് 85% പേര് അഭിപ്രായപ്പെട്ടു. അമേരിക്കയിലെ പുതിയ ഭരണ കൂടം ഇറാനുമായി നടത്തുന്ന ചര്ച്ചകള് ഫലപ്രദമാവില്ല എന്ന് 57% പേര് വിശ്വസിക്കുന്നു. ഈ ചര്ച്ചകളുടെ ഫലത്തിന് കാത്തു നില്ക്കാതെ എത്രയും വേഗം ഇസ്രയേല് ഇറാന്റെ ആണവ കേന്ദ്രങ്ങള് ആക്രമിച്ചു നശിപ്പിക്കണം എന്ന് 41% ഇസ്രയേലികള് കരുതുന്നു. ഈ കണ്ടെത്തലുകള് ഏറെ ദുഃഖകരമാണ് എന്ന് കേന്ദ്രം മേധാവി പ്രൊഫസ്സര് ഡേവിഡ് പറയുന്നു. എത്രയൊക്കെ തീവ്രവാദപരമായ നേതൃത്വമാണ് ഇറാനില് ഉള്ളതെങ്കിലും ഇസ്രയേലിനെ ആക്രമിക്കാന് ശ്രമിക്കുന്നത് ഇറാന്റെ അന്ത്യം കുറിക്കും എന്ന് അവര്ക്ക് അറിയാം. ഇത് മനസ്സിലാക്കി കൊണ്ടു തന്നെ ഇറാന് നിരന്തരം നടത്തി പോരുന്ന ഭീഷണി പക്ഷെ ഫലപ്രദം ആണ് എന്നാണ് ഈ സര്വ്വേ ഫലം സൂചിപ്പിക്കുന്നത്. ഇറാന്റെ ആക്രമണ ഭീഷണിയില് ലക്ഷക്കണക്കിന് ഇസ്രയേലികള് ഭയത്തില് ആണ് കഴിയുന്നത്. അതു കൊണ്ടു തന്നെയാണ് ഇവര് ഇറാന് ആണവ ആയുധം ലഭിക്കുന്ന നിമിഷം തന്നെ ഇസ്രയേലില് നിന്നും പലായനം ചെയ്യാന് ആലോചിക്കുന്നതും എന്നും അദ്ദേഹം പറഞ്ഞു.
അമേരിക്കയില് നടത്തിയ ഒരു അഭിപ്രായ വോട്ടെടുപ്പില് 49% പേര് ഇറാനെതിരെ തങ്ങളുടെ നിലപാട് വ്യക്തമാക്കി. ഇസ്രയേല് ഇറാനെ ആക്രമിക്കുന്ന വേളയില് അമേരിക്ക കൂടെ ഇസ്രയേലിനൊപ്പം ചേര്ന്ന് ഇറാനെതിരെ യുദ്ധം ചെയ്യണം എന്നാണ് ഈ അഭിപ്രായ വോട്ടെടുപ്പില് 49% അമേരിക്കക്കാര് അഭിപ്രായം രേഖപ്പെടുത്തിയത്. 37% പേര് പറഞ്ഞത് ഇത്തരം ഒരു യുദ്ധം ഉണ്ടായാല് അമേരിക്ക അതില് ഇടപെടാതെ മാറി നില്ക്കണം എന്നാണ്. എന്നാല് രണ്ട് ശതമാനം പേരെങ്കിലും യുദ്ധത്തില് അമേരിക്ക ഇറാനെ സഹായിക്കണം എന്ന് അഭിപ്രായപ്പെട്ടു. 
തെക്കേ അമേരിക്കന് രാജ്യമായ വെനസ്വേലയില് പലസ്തീന് തങ്ങളുടെ നയതന്ത്ര കാര്യാലയം സ്ഥാപിച്ചു കൊണ്ട് തിങ്കളാഴ്ച ഇരു രാജ്യങ്ങളും തമ്മിലുള്ള ബന്ധം ഔദ്യോഗികമാക്കി. ഇസ്രയേല് ഗാസയില് നടത്തിയ ആക്രമണ വേളയില് തങ്ങള്ക്ക് വെനസ്വേല നല്കിയ പിന്തുണക്ക് പലസ്തീന് വിദേശ കാര്യ മന്ത്രി റിയാദ് അല് മല്കി വനസ്വേലന് പ്രസിഡണ്ട് ഹ്യൂഗോ ഷാവേസിന് നന്ദി പറഞ്ഞു. ഗാസാ ആക്രമണത്തില് പ്രതിഷേധിച്ച് വെനസ്വേല ഇസ്രയേലുമായി ഉള്ള നയതന്ത്ര ബന്ധങ്ങള് വേര്പെടുത്തി പലസ്തീന് ജനതയുമായി തങ്ങളുടെ ഐക്യ ദാര്ഡ്യം പ്രഖ്യാപിച്ചത് ഷാവേസിനെ അറബ് ലോകത്തിന്റെ പ്രിയങ്കരന് ആക്കി മാറ്റിയിരുന്നു. പലസ്തീന് പ്രശ്നം തങ്ങളുടെ സ്വന്തം പ്രശ്നം ആണെന്ന് വെനസ്വേലന് വിദേശ കാര്യ മന്ത്രി നിക്കോളാസ് മടൂറോ പറഞ്ഞതിന് മറുപടിയായി ഷാവേസ് അറബ് ലോകത്തിന്റെ ഏറ്റവും ജനപ്രീതി നേടിയ നേതാവാണ് എന്ന് അല് മല്കി പ്രശംസിച്ചു. കറാകാസ്സില് തിങ്കളാഴ്ച്ച വൈകീട്ട് പലസ്തീന് എംബസ്സി ഉല്ഘാടനം ചെയ്തു സംസാരിക്കുകയായിരുന്നു ഇരുവരും.
ഇസ്രയേലിനെ യഹൂദന്മാരുടെ രാഷ്ട്രമായി അംഗീകരിക്കണം എന്ന ഇസ്രയേല് പ്രധാന മന്ത്രി ബിന്യാമീന് നെതന്യാഹുവിന്റെ ആവശ്യം പലസ്തീന് അധികൃതരും ഹമാസും നിരസിച്ചു. ഇരു വിഭാഗവും തമ്മില് ഉള്ള സമാധാന ചര്ച്ചകള്ക്ക് ഈ ആവശ്യം ഒരു ഉപാധിയായി ഇസ്രയേല് പ്രധാന മന്ത്രി മുന്നോട്ട് വെച്ചിരുന്നു. കഴിഞ്ഞ വ്യാഴാഴ്ച അമേരിക്കയുടെ പ്രത്യേക പ്രതിനിധി ജോര്ജ്ജ് മിഷെലുമായി നറ്റത്തിയ കൂടിക്കാഴ്ചയില് ആണ് ഇസ്രയേല് പ്രധാന മന്ത്രി നെതന്യാഹു ഈ ആവശ്യം ഉന്നയിച്ചത്. ഇതിനെ തുടര്ന്ന് മിഷെല് വെള്ളിയാഴ്ച പലസ്തീന് അതോറിറ്റി പ്രസിഡണ്ട് മഹമൂദ് അബ്ബാസുമായി കൂടിക്കാഴ്ച നടത്തുകയും ഇസ്രയേലിന്റെ ആവശ്യം അദ്ദേഹത്തെ ധരിപ്പിക്കുകയും ചെയ്തു. എന്നാല് രണ്ട് വ്യത്യസ്ത രാഷ്ട്രങ്ങള് എന്ന പലസ്തീന്റെ കാഴ്ചപ്പാട് ഇസ്രയേലിനെ കൊണ്ട് അംഗീകരിപ്പിക്കണം എന്നായിരുന്നു പലസ്തീന് പ്രതിനിധികളുടെ നിലപാട്. മാത്രമല്ല, ഇസ്രയേലുമായി നേരത്തെ ഏര്പ്പെട്ടിട്ടുള്ള എല്ലാ കരാറുകളും ഇസ്രയേല് പാലിക്കുന്നുണ്ട് എന്ന് ഉറപ്പു വരുത്തണം എന്നും ഇവര് ആവശ്യപ്പെട്ടു.
ഇസ്രയേലിന്റെ യുദ്ധ വിമാനങ്ങള് ഗാസയില് ഹമാസിന്റെ നിയന്ത്രണത്തിലുള്ള പ്രദേശത്തെ ഒരു ഒഴിഞ്ഞ പോലീസ് സ്റ്റേഷന് ബോംബ് ചെയ്തു തകര്ത്തു. ഹമാസിന്റെ വെടി വെപ്പിന് തങ്ങള് മറുപടി നല്കും എന്ന് ഇസ്രയേല് പറഞ്ഞതിന് മണിക്കൂറുകള്ക്ക് ഉള്ളില് ആണ് ഈ പുതിയ സംഭവ വികാസം നടന്നിരിക്കുന്നത്. എന്നാല് ഈ ആക്രമണത്തില് ആരും കൊല്ലപ്പെട്ടതായി സൂചനയില്ല. ഇത്തരം നിരവധി ആക്രമണങ്ങള് തങ്ങള് ഗാസയില് ഉടനീളം തങ്ങള് നടത്തിയതായി ഇസ്രയേല് അവകാശപ്പെട്ടു. തങ്ങള് വെടി നിര്ത്തിയതിന് ശേഷവും ഹമാസ് തുടരുന്ന റോക്കറ്റ് ആക്രമണത്തിന് തങ്ങള് ആനുപാതികം അല്ലാത്ത തിരിച്ചടി തന്നെ നല്കും എന്ന് ഇസ്രയേല് പ്രധാന മന്ത്രി എഹൂദ് ഓള്മെര്ട്ട് പ്രഖ്യാപിച്ചതിനു പിന്നാലെയാണ് ഈ ആക്രമണം നടന്നത്.
മൂന്ന് ആഴ്ചകള് കൊണ്ട് 1200 പേരെ കൊന്നൊടുക്കിയ യുദ്ധത്തിന് താല്ക്കാലിക വിരാമം ഇട്ട് കൊണ്ട് ഇസ്രയേല് ശനിയാഴ്ച അര്ധ രാത്രി മുതല് വെടി നിര്ത്തല് പ്രഖ്യാപിച്ചു. ഈജിപ്തും ഫ്രാന്സും നടത്തിയ ശ്രമങ്ങളുടെ ഫലം ആണ് ഇപ്പോഴത്തെ വെടി നിര്ത്തല്. ഏക പക്ഷീയം ആയി വെടി നിര്ത്തല് പ്രഖ്യാപിച്ച ഇസ്രായേല് പ്രധാന മന്ത്രി എഹൂദ് ഓള്മേര്ട്ട് പക്ഷെ സൈന്യം തങ്ങളുടെ ഇപ്പോഴത്തെ നിലയില് തന്നെ പ്രദേശത്ത് തുടരും എന്ന് അറിയിച്ചു. എന്നാല് ഗാസയില് ഒരു ഇസ്രായേല് സൈനികന് പോലും നില ഉറപ്പിക്കുന്നത് തങ്ങള്ക്ക് അംഗീകരിക്കാന് ആവില്ല എന്നാണ് ഹമാസിന്റെ നിലപാട്. സൈന്യത്തെയും തങ്ങള്ക്കെതിരെ നടപ്പിലാക്കിയ സാമ്പത്തിക ഉപരോധവും പൂര്ണ്ണമായി പിന്വലിച്ച് അതിര്ത്തികള് തുറന്നാല് മാത്രമേ തങ്ങള് ഇത് അംഗീകരിക്കൂ എന്ന് ഒരു ഹമാസ് വക്താവ് വ്യക്തമാക്കി.
