ന്യൂഡല്ഹി : ജവഹര്ലാല് നെഹ്റു സര്വകലാശാലാ (ജെ. എന്. യു.) ഹോസ്റ്റലില് നീലച്ചിത്രം നിര്മിച്ചു വിറ്റ കേസിലെ പ്രതി പോലീസ് പിടിയില് ആയി. 22 കാരനായ ജനാര്ദ്ദന് കുമാര് എന്ന യുവാവാണ് തന്റെ കാമുകിയും ഒത്തുള്ള കിടപ്പറ രംഗങ്ങള് പെണ്കുട്ടി അറിയാതെ വീഡിയോയില് പകര്ത്തിയത്. പെണ്കുട്ടിയുമായി ഏറെ നാളത്തെ ബന്ധം ഉണ്ടായിരുന്ന ഇയാള് പിന്നീട് പെണ്കുട്ടി ഇയാളില് നിന്നും അകന്നപ്പോള് ഈ വീഡിയോ ചിത്രങ്ങള് ഇന്റര്നെറ്റ് വഴിയും മറ്റും പ്രചരിപ്പിക്കുകയായിരുന്നു.
ഹോസ്റ്റല് മുറിയില് വെച്ച് രഹസ്യമായി ക്യാമറയില് പകര്ത്തിയ വീഡിയോ പിന്നീട് കമ്പ്യൂട്ടര് സയന്സ് വിഭാഗത്തിലെ മറ്റൊരു വിദ്യാര്ത്ഥിയാണ് സി.ഡി. യാക്കി മാറ്റാന് സഹായിച്ചത്. ഇയാളെയും കുമാറിനെയും സര്വകലാശാല നടത്തിയ അന്വേഷണത്തില് കുറ്റക്കാര് എന്ന് കണ്ട് സര്വകലാശാലയില് നിന്നും പുറത്താക്കിയിരുന്നു. നീല ചിത്ര നിര്മ്മാണത്തിന് ഉപയോഗിച്ച മുറിയുടെ ഉടമയെ സര്വകലാശാല സസ്പെന്ഡ് ചെയ്യുകയും ചെയ്തു.
- ജെ.എസ്.
അനുബന്ധ വാര്ത്തകള്
വായിക്കുക: ഇന്ത്യ, കുറ്റകൃത്യം, പീഡനം, വിവാദം, സ്ത്രീ
