 |
 |
 |
 |
 |
 |
 |
 |
 |
 |
 |
 |
 |
 |
ഖത്തര്‍ ലോകകപ്പ് ജേതാക്കളായി അര്‍ജന്‍റീനയുടെ മെസ്സിപ്പട. മുന്‍ ജേതാക്കളായ ഫ്രാന്‍സുമായുള്ള കലാശ പ്പോരാട്ട ത്തിലാണ് അര്‍ജന്‍റീന ഫുട് ബോള്‍ വിശ്വ കിരീടം നേടിയത്.
We've found our winner! 🏆#FIFAWorldCup | #Qatar2022
— FIFA World Cup (@FIFAWorldCup) December 18, 2022
കളിയുടെ അധിക സമയത്ത് ഇരു ടീമുകളും മൂന്ന് വീതം ഗോളുകള്‍ നേടി സമനില യില്‍ ആയിരുന്നു. ഷൂട്ടൌട്ടിൽ നാല് ഗോളുകൾ അർജൻ്റീന നേടി. രണ്ടു ഗോളുകൾ മാത്രമാണ് ഫ്രാൻസ് നേടിയത്.
- pma
സ്വവർഗ വിവാഹത്തിന് സംരക്ഷണം നൽകുന്ന നിയമത്തില്‍ അമേരിക്കന്‍ പ്രസിഡണ്ട് ജോ ബൈഡൻ ഒപ്പു വെച്ചു. ജാതി, വര്‍ഗ്ഗ, വര്‍ണ്ണ വ്യത്യാസം ഇല്ലാതെ സ്വവര്‍ഗ്ഗ വിവാഹത്തിനുള്ള ചരിത്രപരമായ നിയമ ത്തിലാണ് നൂറു കണക്കിന് ആളുകളെ സാക്ഷി നിര്‍ത്തി ജോ ബൈഡന്‍ ഒപ്പു വെച്ചത്.
സ്‌നേഹത്തിന് അതിരുകള്‍ നിര്‍ണ്ണയിക്കേണ്ടതില്ല. എല്ലാവർക്കും സമത്വത്തിനും സ്വാതന്ത്ര്യത്തിനും നീതിക്കും വേണ്ടി അമേരിക്ക സുപ്രധാന ചുവടു വെപ്പ് നടത്തുന്നു എന്നാണ് ബില്ലില്‍ ഒപ്പു വെച്ചതിനു ശേഷം ബൈഡന്‍ പറഞ്ഞത്.
Today is a good day. pic.twitter.com/wOFfv6RUwX
— Joe Biden (@JoeBiden) December 14, 2022
സ്വവര്‍ഗ്ഗ വിവാഹിതര്‍ക്ക് സംസ്ഥാനങ്ങളില്‍ രജിസ്റ്റര്‍ ചെയ്യേണ്ടതില്ല. ഇതു ഫെഡറല്‍ നിയമത്തിന്‍റെ കീഴില്‍ വരുന്നതാണ് എന്നും ബൈഡന്‍ പ്രസ്താവിച്ചു. Twitter & Face Book
- pma
വായിക്കുക: social-issues, social-media, അമേരിക്ക, മനുഷ്യാവകാശം, വിവാദം, സ്ത്രീ വിമോചനം
ഖത്തർ ലോക കപ്പ് രണ്ടാം സെമി ഫൈനൽ മത്സര ത്തില്‍ നിലവിലെ ചാമ്പ്യന്മാരായ ഫ്രാന്‍സ് ഏക പക്ഷീയമായ രണ്ടു ഗോളുകള്‍ക്ക് മൊറോക്കോയെ പരാജയപ്പെടുത്തി.
തുടര്‍ച്ചയായ രണ്ടാം ഫൈനലിലേക്കുള്ള ഫ്രാന്‍സിന്‍റെ പ്രവേശനം അത്ര എളുപ്പം ആരുന്നില്ല എന്ന് ഖത്തര്‍ അല്‍ ഖോറിലെ അല്‍ ബെയ്ത്ത് സ്റ്റേഡിയത്തില്‍ മൊറോക്കന്‍ ആക്രമണത്തിന് മുന്നില്‍ പതറിപ്പോയ ഫ്രഞ്ചു പടയുടെ നീക്കങ്ങളില്‍ നിന്നും വ്യക്തമായി.
ഇഞ്ചോടിഞ്ച് പിടിച്ചു നിന്ന മൊറോക്കോയെ തറപറ്റിച്ച് കലാശ പ്പോരാട്ട ത്തിലേക്ക് കയറി അര്‍ജന്‍റീനക്ക് ഒപ്പം കൊമ്പു കോര്‍ക്കാന്‍ നിലവിലെ ചാമ്പ്യന്‍ ഫ്രാന്‍സ് ഇനി ഞായറാഴ്ച കളിക്കളത്തില്‍ ഇറങ്ങും.
മൂന്നാം സ്ഥാനക്കാരെ നിർണ്ണയിക്കുന്ന മത്സരത്തിൽ മൊറോക്കോയും ക്രോയേഷ്യയും ഏറ്റു മുട്ടും.
- pma
ഖത്തർ ലോകകപ്പിലെ ആദ്യ സെമി ഫൈനലില്‍ എതിരില്ലാത്ത മൂന്നു ഗോളുകള്‍ക്ക് ക്രൊയേഷ്യയെ പരാജയപ്പെടുത്തി അര്‍ജന്‍റീന ഫൈനലില്‍ എത്തി. ലുസൈല്‍ സ്റ്റേഡിയത്തില്‍ നടന്ന സെമി ഫൈനലിലെ ആദ്യ 20 മിനിറ്റിൽ കുതിച്ചു പായുന്ന ക്രൊയേഷ്യയെ ആയിരുന്നു കളിക്കളത്തില്‍ കണ്ടത്.
പന്തടക്കത്തിലും പാസ്സിംഗിലും എല്ലാം ക്രൊയേഷ്യ ആധിപത്യം പുലർത്തി. എന്നാല്‍ ക്രൊയേഷ്യയെ വിറപ്പിച്ചു കൊണ്ട് 32 ആം മിനിറ്റിൽ ലയണൽ മെസ്സി യുടെ ആദ്യ ഗോള്‍ എത്തി. ഈ ലോക കപ്പില്‍ മെസ്സി നേടുന്ന അഞ്ചാം ഗോള്‍ ആണിത്.
പന്തുമായി ക്രൊയേഷ്യന്‍ ഗോള്‍ മുഖത്തേക്ക് മുന്നേറിയ ജൂലിയന്‍ ജൂലിയന്‍ അല്‍വാരസിനെ ഗോള്‍ കീപ്പര്‍ ഡൊമിനിക് ലിവാ കോവിച്ച് ഫൗള്‍ ചെയ്യുക യായിരുന്നു. അൽവാരസിനെ വീഴ്ത്തി യതിലൂടെ കിട്ടിയ പെനാൽട്ടി കിക്കിലൂടെ ആയിരുന്നു ക്യാപ്റ്റന്‍ മെസ്സിയുടെ ഈ ഗോള്‍.
Lionel Messi and Julian Alvarez strike again! 💥
The first Semi-final didn't disappoint!#FIFAWorldCup | #Qatar2022 pic.twitter.com/T6oNw2JoSs
— FIFA World Cup (@FIFAWorldCup) December 13, 2022
തുടര്‍ന്ന് 39ാം മിനിറ്റില്‍ വിദഗ്ദമായ മുന്നേറ്റത്തിലൂടെ അല്‍വാരസ് രണ്ടാമതു ഗോള്‍ നേടി. ലുസൈല്‍ സ്റ്റേഡിയത്തെ കിടുക്കിക്കൊണ്ട് ക്യാപ്റ്റന്‍ ലയണൽ മെസ്സി നടത്തിയ മിന്നുന്ന മുന്നേറ്റത്തിലൂടെ മൂന്നാം ഗോള്‍ വല യില്‍ വീണു. കഴിഞ്ഞ 2018 റഷ്യൻ ലോക കപ്പിലെ റണ്ണേഴ്സ് അപ്പായ ക്രൊയേഷ്യ യുടെ ഫൈനൽ സ്വപ്നം ഇതോടെ തകര്‍ന്നടിഞ്ഞു.
ബുധനാഴ്ച നടക്കുന്ന രണ്ടാം സെമിയില്‍ മൊറോക്കോ – ഫ്രാൻസ് ടീമുകള്‍ കളത്തില്‍ ഇറങ്ങും. ഇതിലെ ജേതാക്കളെയാണ് ഞായറാഴ്ച നടക്കുന്ന ഫൈനലില്‍ അർജൻ്റീന നേരിടുക. first semi final highlights
- pma
ലണ്ടന്‍ : ലക്ഷക്കണക്കിനു ജീവനുകള്‍ അപഹരി ക്കുകയും ലോകമാകെ നിശ്ചലമാക്കുകയും ചെയ്ത കൊവിഡ്-19 വൈറസ് മനുഷ്യ നിര്‍മ്മിതം എന്ന് വുഹാന്‍ ലാബിലെ മുന്‍ ശാസ്ത്രജ്ഞന്‍ ആന്‍ഡ്രൂ ഹഫ്. ‘ദ് ട്രൂത്ത് എബൗട്ട് വുഹാന്‍’ എന്ന പുസ്തക ത്തിലൂടെ യാണ് ആന്‍ഡ്രൂ ഹഫ് ഈ വെളിപ്പെടുത്തല്‍ നടത്തിയത്.
സാര്‍സ്-കോവി-2 വൈറസ് ചൈനയിലെ വുഹാന്‍ ഇന്‍സ്റ്റിറ്റ്യൂട്ട് ഓഫ് വൈറോളജി (ഡബ്ല്യു. ഐ. വി.) യില്‍ നിന്നും ചോര്‍ന്നതാണ് എന്നും ഇത് മനുഷ്യ നിര്‍മ്മിതം ആയിരുന്നു എന്നും ഇപ്പോള്‍ യു. എസ്. ആസ്ഥാനമായി പ്രവര്‍ത്തിക്കുന്ന ശാസ്ത്രജ്ഞന്‍ ആന്‍ഡ്രൂ ഹഫ് അവകാശപ്പെട്ടു.
‘യു.എസ്. സര്‍ക്കാരിന്‍റെ സഹായത്തോടെ കൊറോണ വൈറസുകളെക്കുറിച്ചു വുഹാന്‍ ലാബില്‍ നടത്തിയ ഗവേഷണത്തിന്‍റെ അനന്തര ഫലമാണ് സാര്‍സ്-കോവി-2 എന്ന കൊവിഡ്-19 വൈറസ്’ – ഹഫ് തന്‍റെ പുസ്തകത്തില്‍ പറയുന്നു.
ന്യൂയോര്‍ക്ക് ആസ്ഥാനമായുള്ള ഇക്കോ ഹെല്‍ത്ത് അലയന്‍സ് എന്ന സന്നദ്ധ സംഘടനയുടെ വൈസ് പ്രസിഡണ്ട് ആയിരുന്നു ആന്‍ഡ്രൂ ഹഫ്.
യു. എസ്. സര്‍ക്കാരിന്‍റെ വൈദ്യ ശാസ്ത്ര ഗവേഷണ ഏജന്‍സി യായ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് നല്‍കുന്ന സഹായ ധനം ഉപയോഗിച്ച് വവ്വാലു കളിലെ കൊറോണ വൈറസുകളെപ്പറ്റി പഠിക്കുന്ന സംഘടനയാണ് ഇക്കോ ഹെല്‍ത്ത് അലയന്‍സ്.
മനുഷ്യര്‍ ഉള്‍പ്പെടെയുള്ള ജീവികളെ ഭാവിയില്‍ ബാധിക്കാന്‍ ഇടയുള്ള വൈറസുകളെ ലാബില്‍ ഉണ്ടാക്കുവാനും അവ മനുഷ്യനെ ബാധിച്ചാല്‍ എങ്ങിനെ നേരിടാം എന്നും പഠിക്കുവാനും ഇക്കോ ഹെല്‍ത്ത് അലയന്‍സ് വുഹാന്‍ ലാബിനെ സഹായിക്കുന്നുണ്ട്.
സാര്‍സ്-കോവി-2 വൈറസ് പൊട്ടിപ്പുറപ്പെട്ട അന്നു തന്നെ ഇത് ലാബില്‍ ഉണ്ടാക്കിയതാണ് എന്ന് ചൈനക്ക് അറിയാ മായിരുന്നു എന്നും ഹഫ് പറയുന്നു.
അപകടകരമായ ജൈവ സാങ്കേതിക വിദ്യ ചൈനക്ക് നല്‍കിയതില്‍ അമേരിക്കന്‍ സര്‍ക്കാറിനെ ആന്‍ഡ്രൂ ഹഫ് കുറ്റപ്പെടുത്തി. * Dr. Andrew G. Huff
- pma
വായിക്കുക: covid-19, അമേരിക്ക, ആരോഗ്യം, ചൈന, ദുരന്തം, മനുഷ്യാവകാശം, വിവാദം, വൈദ്യശാസ്ത്രം, ശാസ്ത്രം
ദോഹ : ഖത്തര്‍ ലോകകപ്പ് മത്സരത്തിൽ ജപ്പാനുമായി ഏറ്റുമുട്ടി വിജയം നേടി ക്രൊയേഷ്യ ക്വാര്‍ട്ടറില്‍ കടന്നു. പെനാൽറ്റി ഷൂട്ടൗട്ടി ലാണ് ഒന്നിന് എതിരെ മൂന്നു ഗോളുകൾക്ക് ക്രൊയേഷ്യ ജയിച്ചു കയറിയത്.
These scenes 😍#FIFAWorldCup | #Qatar2022
— FIFA World Cup (@FIFAWorldCup) December 5, 2022
മുഴുവൻ സമയത്തും അധിക സമയത്തും ഇരു ടീമു കളും ഓരോ ഗോളടിച്ച് സമനില പാലിച്ചതോടെ യാണ് വിജയികളെ കണ്ടെത്താൻ പെനാല്‍ട്ടി ഷൂട്ടൗട്ടിലേക്ക് നീങ്ങിയത്.
✅ First extra time of #Qatar2022
✅ First penalties of #Qatar2022Watch all the action from Croatia's win over Japan on FIFA+
— FIFA World Cup (@FIFAWorldCup) December 5, 2022
ഡെയ്സൺ മെയ്ദ ജപ്പാനു വേണ്ടിയും പെരിസിച്ച് ക്രൊയേഷ്യ ക്കു വേണ്ടിയും ഗോളുകൾ നേടി. 90 മിനിറ്റ് കഴിഞ്ഞും ഗോള്‍ നിലയില്‍ സമ നില തുടർന്നു. അതോടെയാണ് കളി എക്സ്ട്രാ ടൈമിലേക്കും പിന്നീട് ഷൂട്ടൗട്ടിലേക്കും നീങ്ങിയത്.
- pma
ബ്രസ്സല്‍സ് : ഖത്തര്‍ ലോക കപ്പിലെ മല്‍സരത്തില്‍ ബെല്‍ജിയം പരാജയപ്പെട്ടതിനെ തുടര്‍ന്ന് ജനം തെരുവിൽ ഇറങ്ങി. ബെല്‍ജിയന്‍, ഡച്ച് നഗരങ്ങളില്‍ കലാപം അഴിച്ചു വിട്ടു.
ബെല്‍ജിയം തലസ്ഥാനമായ ബ്രസ്സല്‍സില്‍ ഫുട് ബോള്‍ ആരാധകര്‍ അക്രമാസക്തരായി. ഡച്ച് തുറമുഖ നഗരമായ റോട്ടര്‍ ഡാമില്‍ അക്രമാസക്തരായ ആരാധകര്‍ പടക്കങ്ങളും ഗ്ലാസ്സുകളും ഉപയോഗിച്ച് പോലീസിന്ന് എതിരെ നടത്തിയ ആക്രമണത്തില്‍ രണ്ട് പോലീസുകാര്‍ക്ക് പരിക്കേറ്റു.
അക്രമം വ്യാപിച്ചതോടെ ജനക്കൂട്ടത്തെ പിരിച്ചു വിടാന്‍ ജല പീരങ്കിയും കണ്ണീര്‍ വാതകവും പ്രയോഗിച്ചു. നിരവധി പേരെ പോലീസ് അറസ്റ്റ് ചെയ്തു.
ഖത്തറില്‍ നടക്കുന്ന 2022 ഫിഫ ലോക കപ്പ് ഫുട് ബോളിലാണ് മൊറോക്കോ യുമായുള്ള കളിയില്‍ ബെല്‍ജിയം പരാജയപ്പെട്ടത്. ലോക റാങ്കിംങ്ങിലെ രണ്ടാം സ്ഥാനക്കാരും കഴിഞ്ഞ ലോക കപ്പിലെ മൂന്നാം സ്ഥാനക്കാരുമായ ബെൽജിയത്തെ 2-0 ത്തിനാണ് മൊറോക്കോ തറപറ്റിച്ചത്.
- pma
ദോഹ : ഫിഫ ലോക കപ്പ് ഫുട് ബോള്‍ മത്സരത്തില്‍ സൗദി അറേബ്യക്ക് തിളക്കമാര്‍ന്ന വിജയം. ഗ്രൂപ്പ് സി യില്‍ ചൊവ്വാഴ്ച നടന്ന മത്സരത്തില്‍ ഒന്നിന് എതിരെ രണ്ടു ഗോളു കള്‍ക്കാണ് ലോക ചാമ്പ്യന്മാരായ അര്‍ജന്‍റീന യെ സൗദി അറേബ്യ പരാജയപ്പെടുത്തിയത്. അര്‍ജന്‍റീനക്ക് എതിരേ സൗദി അറേബ്യ നേടുന്ന ആദ്യ ജയം. ലോക കപ്പ് ഫുട് ബോള്‍ ചരിത്രത്തില്‍ അര്‍ജന്‍റീന നേരിടുന്ന ഏറ്റവും വലിയ തോല്‍വികളില്‍ ഒന്നാണ് ഇത്.
One we won't forget in a hurry! 🤩
🎥 Watch all the best bits on FIFA+#FIFAWorldCup | #Qatar2022
— FIFA World Cup (@FIFAWorldCup) November 22, 2022
ദേശീയ ടീമിന്‍റെ വിജയം ആഘോഷിക്കുവാന്‍ സൗദിയില്‍ ബുധനാഴ്ച പൊതു അവധി പ്രഖ്യാപിച്ചു. പൊതു-സ്വകാര്യ മേഖലകളിലെ എല്ലാ ജീവന ക്കാര്‍ക്കും എല്ലാ വിദ്യാഭ്യാസ സ്ഥാപനങ്ങള്‍ക്കും അവധി ആയിരിക്കും.
- pma
വായിക്കുക: world-cup, കായികം, ഫുട്ബോള്‍, സൗദി, സൗദി അറേബ്യ
ദോഹ : നിറപ്പകിട്ടാര്‍ന്ന പരിപാടി കളോടെ 2022 ഫിഫ ലോക കപ്പ് ഫുട് ബോള്‍ മാമങ്കത്തിനു നവംബര്‍ 20 ഞായറാഴ്ച വൈകുന്നേരം ഖത്തര്‍ അല്‍ ഖോറിലെ അല്‍ ബെയ്ത്ത് സ്റ്റേഡിയത്തില്‍ തുടക്കമായി.
നോര്‍ത്ത് ഈസ്റ്റ് മിഡില്‍ ഈസ്റ്റ് (മെന) മേഖലയില്‍ ആദ്യമായി തിരശ്ശീല ഉയര്‍ന്ന ലോക കായിക ഉത്സവത്തിനായി അൽ ബെയ്ത് സ്റ്റേഡിയത്തിലെ ഉദ്ഘാടന ചടങ്ങില്‍ ലോകം ഒത്തു കൂടി. ഖത്തര്‍ ഭരണാധികാരി അമീര്‍ ശൈഖ് തമീം ബിന്‍ ഹമദ് അല്‍ ഥാനി, ലോകത്തിന്‍റെ എല്ലാ ഭാഗങ്ങളില്‍ നിന്നും എത്തിയ ജനങ്ങളെ സ്വാഗതം ചെയ്തു. വിവിധ സംഗീത കലാ കായിക പരിപാടികള്‍ അരങ്ങേറി.
ഉദ്ഘാടന മത്സരത്തില്‍ ആതിഥേയരായ ഖത്തറിന് എതിരെ ഏക പക്ഷീയമായ രണ്ട് ഗോളുകള്‍ നേടി ഇക്വഡോര്‍ തകർപ്പൻ ജയം കരസ്ഥമാക്കി. മത്സര ത്തിന്‍റെ ആദ്യ പകുതിയിൽ തന്നെ രണ്ട് ഗോളിൻ്റെ ലീഡ് ഇക്വഡോര്‍ നേടിയിരുന്നു.
എന്നെര്‍ വലന്‍ഷ്യയാണ് ഇക്വഡോറിനു വേണ്ടി ഇരട്ട ഗോളുകൾ നേടിയത്.
Image Credit : The Official Emblem of the 22nd edition of the FIFA WorldCup , WiKiPeDia
- pma
ലണ്ടന്‍ : ഇന്ത്യന്‍ വംശജനായ ഋഷി സുനക് ബ്രിട്ടീഷ് പ്രധാന മന്ത്രിയായി ചുമതലയേറ്റു. ബ്രിട്ടനില്‍ പ്രധാന മന്ത്രി പദ ത്തില്‍ എത്തുന്ന ഏറ്റവും പ്രായം കുറഞ്ഞ വ്യക്തി എന്ന സവിശേഷതയും ഇദ്ദേഹത്തിന് സ്വന്തം.
കിഴക്കൻ ആഫ്രിക്കയിൽ നിന്നും ബ്രിട്ടണില്‍ കുടിയേറിയ ഇന്ത്യൻ മാതാ പിതാക്കളുടെ മകനായി 1980 മെയ് 12 ന് സതാംപ്ടണിൽ ജനിച്ച സുനക്, വിൻചെസ്റ്റർ കോളേജില്‍ നിന്നും വിദ്യാഭ്യാസം നേടി. തുടർന്ന് ഓക്സ് ഫോഡിലെ ലിങ്കൺ കോളേജിൽ തത്ത്വ ചിന്ത, രാഷ്ട്രീയം, സാമ്പത്തിക ശാസ്ത്രം എന്നിവ യില്‍ ബിരുദമെടുത്തു. പിന്നീട് സ്റ്റാൻഫോഡ് യൂണി വേഴ്സിറ്റിയില്‍ നിന്നും എം. ബി. എ. കരസ്ഥമാക്കി. 2015 ലെ പൊതു തെരഞ്ഞെടുപ്പിൽ റിച്ച് മോണ്ടിലേക്ക് (യോർക്ക്) തെരഞ്ഞെടുക്കപ്പെട്ട അദ്ദേഹം പാർലമെന്‍ററി അണ്ടർ സെക്രട്ടറി ഓഫ് സ്റ്റേറ്റ് ആയി സേവനം അനുഷ്ഠിച്ചു.
ഋഷി സുനകിന്‍റെ ഭാര്യ അക്ഷത മൂർത്തി, ഇൻഫോസിസ് സ്ഥാപകനും ഇന്ത്യൻ കോടീശ്വരനു മായ വ്യവസായി എൻ. ആർ. നാരായണ മൂർത്തിയുടെ മകളാണ്.
- pma
വായിക്കുക: ഇന്ത്യ, പ്രവാസി, ബഹുമതി, ബ്രിട്ടണ്, ബ്രിട്ടന്
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
