മോണ്ട് പെല്ലിയര്: ആറു വര്ഷത്തെ പ്രണയ ബന്ധത്തിനൊടുവില് ചരിത്രത്തെ സാക്ഷിയാക്കി വിന്സെന്റും ബ്രൂണോയും ഫ്രാന്സിലെ ആദ്യ സ്വവര്ഗ്ഗ ദമ്പതിമാരായി. അഞ്ഞൂറോളം ക്ഷണിക്കപ്പെട്ട അതിഥികളുടേയും നൂറ്റമ്പതോളം മാധ്യമ പ്രവര്ത്തകരുടേയും സാന്നിധ്യത്തില് ആയിരുന്നു വിവാഹം. ഫ്രാന്സിലെ സ്വവര്ഗ്ഗാനുകൂല പ്രവര്ത്തകരില് ഒരാളാണ് വിന്സെന്റ്. ഒരു കുഞ്ഞിനെ ദത്തെടുക്കണമെന്നതാണ് ഈ സ്വവര്ഗ്ഗ ദമ്പതികളുടെ ആഗ്രഹം.
പ്രതിഷേധക്കാരെ ഭയന്ന് കനത്ത സുരക്ഷാ വലയം ഏര്പ്പെടുത്തിയിരുന്നു. വിവാഹത്തിനു തൊട്ടു മുമ്പ് ഹാളിന്റെ മുറ്റത്തേക്ക് പ്രതിഷേധക്കാര് ആരോ പുക ബോംബ് എറിഞ്ഞിരുന്നു. യാഥാസ്ഥിതികരുടെ കടുത്ത പ്രതിഷേധത്തെ മറി കടന്ന് അടുത്തയിടെ ആണ് ഫ്രാന്സില് സ്വവര്ഗ്ഗ വിവാഹം നിയമ വിധേയമാക്കിക്കൊണ്ട് ബില് പാസ്സാക്കിയത്. ഇതിനെതിരെ ശക്തമായ പ്രതിഷേധവുമായി ഒരു വിഭാഗം തെരുവില് ഇറങ്ങിയിരുന്നു. കുടിയേറി ഫ്രാന്സില് എത്തുന്നവരും ഫ്രാന്സില് പ്രശ്നങ്ങള് സൃഷ്ടിക്കുന്നതില് മുന്പന്തിയില് ഉണ്ട്.
ജര്മ്മനി: ജര്മ്മന് വിദേശ കാര്യ മന്ത്രിയും ഡെപ്യൂട്ടി ചാന്സിലറുമായ ഗൈവഡോ വെസ്റ്റര് വെല്ലെ സ്വവര്ഗ്ഗ പങ്കാളിയെ വിവാഹം ചെയ്തു. മിഖായേല് മ്രോണ്സ് എന്ന ബിസിനസ്സു കാരനാണ് വെസ്റ്റര് വെല്ലെയുടെ പങ്കാളി. ഇരുവരും ഏഴു വര്ഷത്തോളം പ്രണയത്തില് ആയിരുന്നു. വെള്ളിയാഴ്ച ബോണില് വച്ച് രജിസ്റ്റര് വിവാഹത്തിലൂടെ ഇരുവരും ഒന്നിച്ചു. വിവാഹ ശേഷം ഹോട്ടലില് സല്ക്കാരവും നടത്തി. ഇതോടെ ജര്മ്മനിയില് ആദ്യത്തെ സ്വവര്ഗ്ഗ വിവാഹിതനായ രാഷ്ടീയക്കാരന് എന്ന പദവി വെസ്റ്റര് വെല്ലെക്ക് സ്വന്തമായി.
