ബഹ്റിന്‍ എയര്‍ സൗദിയില്‍ നിന്നും ഇന്ത്യയിലേക്ക് കൂള്‍ സമ്മര്‍ ഫാമിലി ഫെയര്‍ പ്രഖ്യാപിച്ചു. ഇതുപ്രകാരം രണ്ട് മുതല്‍ നാല് വരെ യാത്രക്കാര്‍ ഒരുമിച്ച് ബുക്ക് ചെയ്താല്‍ കോഴിക്കോട്, കൊച്ചി, മുംബൈ എന്നിവിടങ്ങളിലേക്ക് കുറഞ്ഞ നിരക്കില്‍ ടിക്കറ്റ് ലഭിക്കും. ഒരാള്‍ക്ക് കോഴിക്കോട് റൗണ്ട് ട്രിപ്പിന് 1450 റിയാലും കൊച്ചിയിലേക്ക് 1400 റിയാലും മുംബൈയിലേക്ക് 1000 റിയാലുമാണ് പുതിയ പാക്കേജ് പ്രകാരമുള്ള നിരക്ക്. 40 കിലോ വരെ ലഗേജ് അനുവദിക്കും. പുതിയ നിരക്ക് ഈ മാസം 30 ന് മുമ്പ് ബുക്ക് ചെയ്യുന്നവര്‍ക്ക് മാത്രമേ ലഭിക്കുകയുള്ളൂവെന്ന് ബഹ്റിന്‍ എയര്‍ കണ്ട്രി മാനേജര്‍ എബ്രഹാം ചെറിയാന്‍ അറിയിച്ചു.

റാസല്‍ഖൈമയിലെ റോയല്‍ കോളേജ് ഓഫ് അപ്ലൈഡ് ടെക്നോളജി കാമ്പസിലെ ബിര്‍ള ഇന്‍സ്റ്റിറ്റ്യൂട്ട് ഓഫ് ടെക്നോളജി പുതിയ കാമ്പസിലേക്ക് മാറുന്നു. അല്‍ ദൈദിലാണ് പുതിയ കാമ്പസ്. സുധീര്‍ ഗോപി ഹോള്‍ഡിംഗ്സാണ് കാമ്പസ് നടത്തുന്നത്. സാമ്പത്തിക പ്രതിസന്ധി വിദ്യാഭ്യാസ മേഖലയെ ഗുരുതരമായി ബാധിച്ചിട്ടുണ്ടെന്ന് സുധീര്‍ ഗോപി പറഞ്ഞു. ബിഐടി ഡയറക്ടര്‍ പ്രവീണ്‍ ധ്യാനി, ജെ.ആര്‍ പ്രവീണ്‍ കുമാര്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

ഗള്‍ഫ് ഗേറ്റ് ഹെയര്‍ഫിക്സിംഗിന്‍റ പുതിയ ശാഖ സിനിമാതാരം ഇന്നസെന്‍റ് ഉദ്ഘാടനം ചെയ്തു. കമ്പനി ചെയര്‍മാനും മാനേജിംഗ് ഡയറക്ടറുമായ സക്കീര്‍ ഹുസൈന്‍, നാദിര്‍ഷാ, സുനില്‍ ദത്ത്, തുടങ്ങിയവര്‍ പങ്കെടുത്തു. പുളിമൂട്ടില്‍ ട്രേഡ്‍‍ സെന്‍ററിലാണ് ശാഖ.

ജോയി ആലുക്കാസിന്‍റെ ഖത്തറിലെ രണ്ടാമത്തെ ജ്വല്ലറി ദോഹയിലെ ലുലു സെന്‍ററില്‍ ഇന്ത്യന്‍ അംബാസഡര്‍ ദീപാ ഗോപാലന്‍ വാദ്ധ്വാ ഉദ്ഘാടനം ചെയ്തു. ജോയ് ആലുക്കാസ് ഡയറക്ടര്‍ ജോളി ജോയി ആലുക്കാസ്, ഖത്തര്‍ മാനേജര്‍ എ.ജെ ജോജു എന്നിവര്‍ പങ്കെടുത്തു.