വിവാഹ ശേഷം നടി മം‌മ്താ മോഹന്‍‌ദാസ് തിരിച്ചെത്തുന്നു. ഈസ്റ്റ്കോസ്റ്റ് വിജയന്‍ നിര്‍മ്മിക്കുന്ന ‘മൈ ബോസ്’‘ എന്ന ദിലീപ് ചിത്രത്തിലാണ് മം‌മ്ത നായികയാകുന്നത്. വിവാഹ ശേഷം തന്റെ മം‌മ്ത പ്രതിഫലം പതിനഞ്ചു ലക്ഷമായി ഉയര്‍ത്തിയതായും വാര്‍ത്തകളുണ്ട്. അന്യഭാഷകളില്‍ ചില മലയാളി നടിമാര്‍ കോടികള്‍ പ്രതിഫലം വാങ്ങും‌മ്പോള്‍ മലയാളത്തില്‍ വളരെ തുച്ഛമാണ് നടിമാരുടെ പ്രതിഫലം. കാവ്യാമാധവനാണ് ഇന്ന് മലയാളത്തില്‍ ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാള്‍.
പ്രണയത്തിനു പ്രാധാന്യം നല്‍കിക്കൊണ്ട് ജിത്തു ജോസഫ് സംവിധാനം ചെയ്യുന്ന മൈ ബോസില്‍ ഒരു സോഫ്‌റ്റ്‌വെയര്‍ എഞ്ചിനീയറായാണ് ദിലീപ് വേഷമിടുന്നത്. ദിലീപിന്റെ ബോസിന്റെ റോളിലാണ് മം‌മ്ത എത്തുന്നത്. ലെന, സലിം‌കുമാര്‍,സായ്‌കുമാര്‍ തുടങ്ങിയവരും ചിത്രത്തില്‍ അഭിനയിക്കും.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, mamta-mohandas, wedding
