ഗുരുവായൂര് : കേരള ഖാദി ഗ്രാമ വ്യവസായ ബോർഡിനു കീഴിൽ പ്രവർത്തിക്കുന്ന മുല്ലശ്ശേരി ബ്ലോക്കിലെ പാവറട്ടി ഖാദി സൗഭാഗ്യ നവീകരിച്ചു. ഖാദി സൗഭാഗ്യ പുതിയ ഷോ റൂം ഉദ്ഘാടനം ഖാദി ബോർഡ് വൈസ് ചെയർമാൻ പി. ജയരാജൻ നിർവ്വഹിച്ചു.
സൗന്ദര്യ സങ്കൽപ്പങ്ങൾക്കും അപ്പുറം ഖാദിക്ക് തനതായ പാരമ്പര്യം ഉണ്ട് എന്നും അത് നില നിർത്തി മേഖലയെ നവീകരിക്കുവാനാണ് ലക്ഷ്യമിടുന്നത് എന്നും അദ്ദേഹം പറഞ്ഞു. ഖാദി ഗ്രാമ വ്യവസായ ത്തിൽ കൂടുതൽ മൂല്യ വർദ്ധിത ഉൽപ്പന്നങ്ങൾ ഉൾപ്പെടുത്താൻ ആലോചനയുണ്ട്. ചക്കില് ആട്ടിയ വെളിച്ചെണ്ണ, തേൻ, നെല്ലിക്ക തുടങ്ങി വിവിധങ്ങളായ മൂല്യവർദ്ധിത ഉൽപ്പന്നങ്ങൾ പരിഗണിക്കും. ഖാദി യുടെ പരമ്പരാഗത മൂല്യങ്ങള് ഉയര്ത്തിപ്പിടിച്ചും നവീകരണത്തിന് വിധേയമാക്കിയും മേഖലയെ സംരക്ഷിക്കുകയാണ് ബോര്ഡിന്റെ ലക്ഷ്യം എന്നും അദ്ദേഹം കൂട്ടിച്ചേർത്തു.
‘ഖാദി പഴയ ഖാദിയല്ല’ എന്ന സന്ദേശം ഉയര്ത്തി നവീന ഫാഷനിലുള്ള ഖാദി വസ്ത്ര ങ്ങളും വൈവിധ്യ മാര്ന്ന ഗ്രാമ വ്യവസായ ഉല്പന്നങ്ങളും വിപണയിലിറക്കി ഓണത്തെ വരവേൽക്കുകയാണ് ഖാദി ബോര്ഡ്. ആഴ്ചയില് ഒരിക്കല് ഖാദി വസ്ത്രം എന്ന സര്ക്കാര് ഉത്തരവ് ഖാദി മേഖലയില് വരുത്തിയ മാറ്റത്തിന്റെ ചുവടു പിടിച്ചാണ് കൂടുതല് കരുത്തോടെ ഖാദി ഇത്തവണ വിപണിയില് എത്തുന്നത്.
ഉല്ഘാടന ചടങ്ങിൽ മുരളി പെരുനെല്ലി എം. എൽ. എ. അദ്ധ്യക്ഷത വഹിച്ചു. പാവറട്ടി പഞ്ചായത്ത് പ്രസിഡണ്ട് സിന്ധു അനിൽ കുമാർ സമ്മാന ക്കൂപ്പൺ വിതരണവും ആദ്യ വിൽപ്പനയും നടത്തി. തൃശൂർ ജില്ലാ പഞ്ചായത്ത് മെമ്പർ അഡ്വ. വി. എം. മുഹമ്മദ് ഗസ്സാലി, മുല്ലശ്ശേരി ബ്ലോക്ക് പഞ്ചായത്ത് മെമ്പർ ഒ. ജെ. ഷാജൻ, മുല്ലശ്ശേരി ബ്ലോക്ക് വാർഡ് മെമ്പർമാർ, ജനപ്രതിനിധികൾ എന്നിവർ സംബന്ധിച്ചു.
- pma
അനുബന്ധ വാര്ത്തകള്
വായിക്കുക: chavakkad-guruvayoor, kerala-government-, khadi, സാമൂഹികം
