തൃശൂര്: തൃശൂര് രാമനിലയത്തിനു സമീപം സംഗീത നാടക അക്കാദമിയുടെ കൂത്തമ്പലം കത്തിച്ചതാണ് എന്ന് സൂചന. കത്തിയ തൂണിന് അരികില് നിന്നും വെടി മരുന്നിന്റെ അംശം കണ്ടെത്തിയതാണ് സംശയം വര്ദ്ധിപ്പിക്കാന് കാരണം, കൂടാതെ പ്രദേശത്ത് വെടി മരുന്നിന്റെ രൂക്ഷ ഗന്ധം ഉണ്ടായിരുന്നതായി സാക്ഷികള് പറയുന്നു. ഫോറന്സിക് ഉദ്യോഗസ്ഥര് സംഭവം നടന്ന ഇടം പരിശോധന നടത്തയ ശേഷം വിവരങ്ങള് അന്വേഷണ സംഘത്തിനു കൈമാറും. ലക്ഷങ്ങള് ചെലവിട്ട് സര്ക്കാര് നിര്മിച്ച കൂത്തമ്പലമാണ് തിങ്കളാഴ്ച പുലര്ച്ചെയുണ്ടായ അഗ്നിബാധയില് കത്തിനശിച്ചത്. ലക്ഷങ്ങളുടെ നഷ്ടം കണക്കാക്കുന്നു. അട്ടിമറിയാണോ എന്ന സംശയം ഇതോടെ ബലപ്പെട്ടിട്ടുണ്ട്.
-
