എറണാകുളം : എറണാകുളത്തെ പ്രമുഖ ലോട്ടറി ഏജന്സിയായ “ശിങ്കാര“ ത്തിന്റെ ഓഫീസിലും, ഗോഡൌണിലും, ഉടമയുടെ വീട്ടിലുമായി കഴിഞ്ഞ ദിവസം നടത്തിയ റെയ്ഡില് ഒരു കോടിയോളം രൂപയും ഒന്നര കിലോയോളം വരുന്ന സ്വര്ണ്ണ, വെള്ളി നാണയങ്ങളും പിടിച്ചെടുത്തു. നാലര കോടിയുടെ ബാങ്ക് ഇടപാടുകളുടേയും, ലക്ഷങ്ങളുടെ ബാങ്ക് ഡിപ്പോസിറ്റിന്റേയും രേഖകളും റെയ്ഡിനിടയില് കണ്ടെടുത്തു.
രാവിലെ പതിനൊന്നു മണിയോടെ ആണ് റെയ്ഡ് തുടങ്ങിയത്. ചാക്കില് കെട്ടിയ നിലയിലും മറ്റും ലക്ഷക്കണക്കിനു രൂപ വില വരുന്ന ലോട്ടറി ടിക്കറ്റുകള് ഇവിടെ കണ്ടെത്തി.
സിക്കിം, ഭൂട്ടാന് ലോട്ടറികളുടെ മൊത്ത വിതരണക്കാരാണ് ഇവര്. ലോട്ടറി ഏജന്റുമാര് സ്വന്തം നിലയ്ക്ക് ടിക്കറ്റ് അച്ചടിച്ച് വിതരണം ചെയ്യുന്നു എന്ന പരാതിയുടെ അടിസ്ഥാനത്തില് ആണ് റെയ്ഡ് നടന്നത്.
ഓരോ ദിവസവും കോടികള് വില വരുന്ന അന്യ സംസ്ഥാന ലോട്ടറികളാണ് കേരളത്തില് വിറ്റഴിയുന്നത്. ദിവസ വരുമാനക്കാരായ തൊഴിലാളികളാണ് അധികവും ഇത്തരം ലോട്ടറികള് വാങ്ങുന്നത്.
-
അനുബന്ധ വാര്ത്തകള്
വായിക്കുക: തട്ടിപ്പ്, പോലീസ്
