കോട്ടയം: കോട്ടയം ജില്ലയില്‍ സി എസ് ഡി എസ് ആഹ്വാനം ചെയ്ത ഹര്‍ത്താലില്‍ പരക്കെ അക്രമം. ദളിതര്‍ക്കെതിരായ സി പി എമ്മിന്റെയും മറ്റു സംഘടനകളുടെയും നടപടികള്‍ക്കെതിരെ പ്രതിഷേധിച്ച് ദളിതരുടെ സംഘടനയായ സി എസ് ഡി എസ്സാണ് ഹര്‍ത്താല്‍ പ്രഖ്യാപിച്ചത്. ബസ്സുകള്‍ക്ക് നേരെ കല്ലേറും ഉണ്ടായി.
ജില്ലയുടെ വിവിധ ഭാഗങ്ങളില്‍ ഹര്‍ത്താല്‍ അനുഭാവികള്‍ വാഹനങ്ങള്‍ തടഞ്ഞു. രാവിലെ 6 നു തുടങ്ങിയ ഹര്‍ത്താല്‍ വൈകിട്ട് 6 വരെ നീളും. വൈകിട്ടോടെ ജില്ലയുടെ പ്രധാന ഭാഗങ്ങളില്‍ മാര്‍ച്ച് നടത്തുമെന്ന് ഭാരവാഹികള്‍ അറിയിച്ചു.
