ശബരിമല പൊന്നമ്പലമേട്ടില് മകരവിളക്ക് തെളിഞ്ഞു. ദര്ശന സായൂജ്യമടഞ്ഞ് ഭക്തലക്ഷങ്ങള്.
6.50നായിരുന്നു ശ്രീകോവിലില് ദീപാരാധന. ഈ സമയത്ത് പൊന്നമ്പലമേട്ടില് മകര വിളക്ക് തെളിഞ്ഞു. ഭക്തജനലക്ഷങ്ങളാണ് സന്നിധാനത്തും പരിസരങ്ങളിലും മകരവിളക്ക് ദര്ശനത്തിന് എത്തിയിരുന്നത്. പമ്പ, സന്നിധാനം, പാണ്ടിത്താവളം തുടങ്ങി മകരവിളക്ക് ദര്ശനത്തിന് സാധ്യമായ സ്ഥലങ്ങളിലെല്ലാം ഭക്തര് നിലയുറപ്പിച്ചിരുന്നു.
നേരത്തെ പന്തളത്തു നിന്നു പുറപ്പെട്ട തിരുവാഭരണ ഘോഷയാത്ര വൈകുന്നേരം ശരംകുത്തിയില് എത്തി. അവിടെ വച്ച് ദേവസ്വം ബോര്ഡിന്റെ നേതൃത്വത്തില് സ്വീകരണം നല്കി. ദീപാരാധനയ്ക്ക് തൊട്ടുമുമ്പായി, തിരുവാഭരണം പതിനെട്ടാംപടി കയറി.
