മാര്‍കൂല്‍ : ദക്ഷിണ ഫ്രാന്‍സിലെ ഒരു ആണവ നിലയത്തില്‍ നടന്ന സ്ഫോടനത്തില്‍ ഒരാള്‍ കൊല്ലപ്പെട്ടു. സെന്ട്രാക്കോ ആണവ നിലയത്തില്‍ തിങ്കളാഴ്ച നടന്ന സ്ഫോടനത്തില്‍ മറ്റ് മൂന്നു പേര്‍ക്ക് പരിക്കേറ്റിട്ടുണ്ട്. സ്ഫോടനത്തെ തുടര്‍ന്ന് അഗ്നിബാധ ഉണ്ടായി എങ്കിലും അഗ്നി നിയന്ത്രണ വിധേയമാണ് എന്ന് അധികൃതര്‍ അറിയിച്ചു. സ്ഫോടനത്തിന്റെ കാരണം കണ്ടെത്താന്‍ അന്വേഷണം ആരംഭിച്ചു.
ലോകത്ത്‌ ഏറ്റവും അധികം ആണവ ഊര്‍ജ്ജത്തെ ആശ്രയിക്കുന്ന രാഷ്ട്രമാണ് ഫ്രാന്‍സ്‌. ഫ്രാന്‍സിന്റെ വൈദ്യുതി ഉല്പാദനത്തിന്റെ ഭൂരിഭാഗവും ആണവ നിലയങ്ങളില്‍ നിന്നാണ്.
- ജെ.എസ്.
