അങ്കാറ: തുര്‍ക്കിയില്‍ വിനോദ സഞ്ചാരികള്‍ സഞ്ചരിച്ചിരുന്ന ഹോട്ട്‌എയര്‍ ബലൂണുകള്‍ കൂട്ടിയിടിച്ച് മൂന്നു വിനോദ സഞ്ചാരികള്‍ മരിച്ചു. 24 പേര്‍ക്ക് പരിക്കേല്‍ക്കുകയും ചെയ്തു. ബ്രസീലില്‍ നിന്നുമുള്ള വിനോദ സഞ്ചാരികളാണ് മരിച്ചത്. കപ്പൊഡിസിയ വിനോദ സഞ്ചാര മേഘലയിലെ വോള്‍കാനിക് പാറക്കെട്ടുകള്‍ക്ക് മുകളിലൂടെ സഞ്ചരിക്കുമ്പോളാണ് അപകടം ഉണ്ടായത്. പരിക്കേറ്റവരില്‍ സ്പെയിന്‍, ബ്രസീല്‍, അര്ജന്റീന തുടങ്ങിയ രാജ്യങ്ങളില്‍ നിന്നും ഏഷ്യയില്‍ നിനും ഉള്ള വിനോദസഞ്ചാരികളും ഉള്‍പ്പെടുന്നു. ഒരു ബലൂണിന്റെ ബാസ്കറ്റ് മറ്റൊന്നില്‍ ശക്തിയായി ഇടിച്ചതിനെ തുടര്‍ന്നാണ് അപകടം ഉണ്ടായത്. ഇടിയുടെ ആഘാതത്തില്‍ തകര്‍ന്ന ബലൂണ്‍ താഴേക്ക് പതിക്കുകയായിരുന്നു. തുര്‍ക്കിയില്‍ എത്തുന്ന വിനോദസഞ്ചാരികളെ ഏറെ ആകര്‍ഷിക്കുന്നതാണ് ഹോട്ട് എയര്‍ ബലൂണിലുള്ള ആകാശ യാത്ര.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: അപകടം
