കാബൂള്‍ : തെക്കന്‍ അഫ്ഗാനിസ്ഥാനില്‍ വീണ്ടും തീവ്രവാദി ആക്രമണത്തില്‍ അഞ്ചു നാറ്റോ സൈനികര്‍ കൊല്ലപ്പെട്ടു. ഇവര്‍ സഞ്ചരിച്ചിരുന്ന വാഹനം ബോംബ് സ്ഫോടനത്തില്‍ തകരുകയായിരുന്നു. കൊല്ലപ്പെട്ടവര്‍ ഏതു രാജ്യത്തിന്‍റെ സൈനികരാണെന്നു വ്യക്തമല്ല. കഴിഞ്ഞ ശനിയാഴ്ച തീവ്രവാദി ആക്രമണത്തില്‍ ഹെലികോപ്റ്റര്‍ തകര്‍ന്നു 30 യുഎസ് സൈനികര്‍ കൊല്ലപ്പെട്ടിരുന്നു.ഇതോടെ ഈ മാസം തീവ്രവാദി ആക്രമണങ്ങളില്‍ 51 വിദേശ സൈനികരാണ് അഫ്ഗാനില്‍ കൊല്ലപ്പെട്ടത്. തീവ്രവാദ വിരുദ്ധ പോരാട്ടത്തിനായി 1,40,000 വിദേശ സൈനികരെയാണ് അഫ്ഗാനില്‍ വിന്യസിച്ചിരിക്കുന്നത്. ഇതില്‍ ഒരു ലക്ഷം പേര് യു. എസുകാരാണ്.
-
