ബെയ്റൂട്ട് : വിമതർ വെടി നിർത്തുകയാണെങ്കിൽ ഐക്യരാഷ്ട്ര സഭ അവശ്യപ്പെട്ട വെടിനിർത്തൽ പാലിക്കാൻ സൈന്യവും തയ്യാറാണ് എന്ന് സിറിയ അറിയിച്ചു. എന്നാൽ നേരത്തേ പ്രഖ്യാപിച്ച വെടിനിർത്തൽ ആരംഭിക്കാൻ മണിക്കൂറുകൾ മാത്രം ബാക്കി നിൽക്കവേ രൂക്ഷമായ പോരാട്ടം വിമതർ ശക്തമായ പ്രദേശങ്ങളിൽ തുടരുകയായിരുന്നു. വ്യാഴാഴ്ച്ച രാവിലെ സൈനിക നടപടികൾ നിർത്തി വെയ്ക്കും എന്നാണ് സൈനിക കേന്ദ്രങ്ങൾ അറിയിച്ചിട്ടുള്ളത്. എന്നാൽ വിമതരുടെ പക്ഷത്തുനിന്നും എന്തെങ്കിലും ആക്രമണം ഉണ്ടായാൽ തങ്ങൾ ശക്തമായ തിരിച്ചടി നൽകും എന്നും സൈന്യം മുന്നറിയിപ്പു നൽകിയിട്ടുണ്ട്.
- ജെ.എസ്.
പുലി വരുന്നേ പുലി വരുന്നേ എന്നു പറയുന്ന പൊലെ വെടി നിറുത്തും വെടി നിറുത്തും എന്നുപറഞ്ഞ് പേടിപ്പിക്കുവാണ്‍.