പാരീസ്: ഫ്രാന്സിലെ പ്രസിഡന്റ് തിരഞ്ഞെടുപ്പിന്റെ ഒന്നാം വട്ടം വോട്ടെടുപ്പില് പ്രസിഡന്റ് നിക്കോളാസ് സര്കോസിക്ക് തിരിച്ചടി. ആദ്യവട്ടം വോട്ടെടുപ്പില് യാഥാസ്ഥിതിക കക്ഷിയുടെ സര്കോസിക്ക് 25-26 ശതമാനം വോട്ടേ കിട്ടിയുള്ളൂ. ഇദ്ദേഹം രണ്ടാം സ്ഥാനത്തേക്കു തള്ളപ്പെട്ടതായി എ. എഫ്. പി. വാര്ത്താ ഏജന്സി റിപ്പോര്ട്ടു ചെയ്തു. എതിരാളി ഒലാദിന് 28-29 ശതമാനം വോട്ടോടെ ഒന്നാമതെത്തി. തീവ്രവലതുപക്ഷ നാഷണല് ഫ്രണ്ട് പാര്ട്ടിയുടെ മാരിന് ലെ പെന് 17-20 ശതമാനം വോട്ടോടെ മൂന്നാം സ്ഥാനത്തെത്തി. തീവ്ര ഇടതുപക്ഷ നേതാവ് ഴാങ് ലുക് മെലങ്കോണ് 11-13 ശതമാനം വോട്ടോടെ നാലാമതെത്തി. എന്നാല് ഔദ്യോഗിക ഫലപ്രഖ്യാപനം വന്നിട്ടില്ല.
ഇതോടെ നിലവിലെ പ്രസിഡന്റ് നിക്കോളാസ് സര്കോസി ഒരിക്കല്ക്കൂടി അധികാരത്തിലേറാനുള്ള സാധ്യതയില്ലെന്ന് വിലയിരുത്തപ്പെടുന്നു.
- ന്യൂസ് ഡെസ്ക്
അനുബന്ധ വാര്ത്തകള്
വായിക്കുക: തിരഞ്ഞെടുപ്പ്, ഫ്രാന്സ്
