ഇസ്രായേലിന്റെ സമ്മർദ്ദത്തിന് വഴങ്ങിയാണ് അമേരിക്ക യുദ്ധം ചെയ്യുന്നത് എന്ന് ഇറാനെതിരെ ആക്രമണം തുടരുന്നതിനിടെ യു. എസ്. പ്രസിഡണ്ട് ഡൊണാള്ഡ് ട്രമ്പിനെയും യുദ്ധത്തെയും തള്ളി പ്പറഞ്ഞു കൊണ്ട് യു. എസ്. ദേശീയ ഭീകര പ്രതിരോധ വകുപ്പ് (എന്. സി. ടി. സി.) മേധാവി ജോ കെന്റ് രാജി വെച്ചു.
അനാവശ്യമായ ആക്രമണമാണ് അമേരിക്ക നടത്തുന്നത് എന്നും എക്സ് പ്ലാറ്റ് ഫോമിലൂടെ നടത്തിയ രാജി പ്രഖ്യാപന ത്തില് ജോ കെന്റ് തുറന്നടിച്ചു. പശ്ചിമേഷ്യന് യുദ്ധം പൊട്ടിപ്പുറപ്പെട്ട ശേഷം യു. എസ്. ഭരണത്തില് നിന്ന് രാജി സമര്പ്പിക്കുന്ന ഏറ്റവും ഉയര്ന്ന ഉദ്യോഗസ്ഥരില് ഒരാളാണ് ജോ കെന്റ്.
ഇറാന് ഒരിക്കലും അമേരിക്കക്കു ഒരു ഭീഷണിയും ഉയര്ത്തിയിട്ടില്ല. ഇസ്രായേലിന്റെയും അമേരിക്കന് ലോബി യുടേയും ശക്തമായ സമ്മർദ്ദം കൊണ്ടാണ് ഈ യുദ്ധം ആരംഭിച്ചത്.
അതു കൊണ്ട് തന്നെ ഇറാനെതിരെ നടക്കുന്ന യുദ്ധത്തെ മനസ്സാക്ഷി കുത്തില്ലാതെ പിന്തുണക്കാന് സാധിക്കില്ല. ‘അമേരിക്കയെ ദൈവം രക്ഷിക്കട്ടെ’ : കെന്റ് എക്സിൽ കുറിച്ചു.
- pma
അനുബന്ധ വാര്ത്തകള്
വായിക്കുക: അമേരിക്ക, ആണവം, ഇറാന്, ഇസ്രായേല്, കുറ്റകൃത്യം, ക്രമസമാധാനം, തീവ്രവാദം, ദുരന്തം, ദേശീയ സുരക്ഷ, പ്രതിഷേധം, മനുഷ്യാവകാശം, യുദ്ധം, വിവാദം
