പ്രണയവും തീവ്രവാദവും പ്രമേയമാക്കി കാശ്മീരിന്റെ പശ്ചാത്തലത്തില്‍ ഒരു ദിലീപ് ചിത്രം ഒരുങ്ങുന്നു.ബോബന്‍ സാമുവല്‍ സംവിധാനം ചെയ്യുന്ന ചിത്രത്തിനു ഇനിയും പേരിട്ടിട്ടില്ല. ഉത്തരേന്ത്യയില്‍ എത്തുന്ന ഒരു യുവാവ് അവിടെ വച്ച് കണ്ടുമുട്ടുന്ന ഒരു മുസ്ലിം പെണ്‍കുട്ടിയുമായുണ്ടാകുന്ന പ്രണയമാണ് പ്രധാന പ്രമേയം. തീവ്രവാദം ഇതില്‍ മറ്റൊരു പ്രധാന വിഷയമായി കടന്നു വരുന്നു. വൈ.വി.രാജേഷാണ് ചിത്രത്തിന്റെ തിരക്കഥ ഒരുക്കുന്നത്. ഉത്തരേന്ത്യന്‍ നടിയെ ആയിരിക്കും നായികയാക്കുക. താര നിര്‍ണ്ണയം നടന്നു വരുന്ന ചിത്രത്തിന്റെ ഷൂട്ടിങ്ങ് ഈ വര്‍ഷം അവസാനം ആരംഭിക്കുവാനാണ് സ്‍ാധ്യത.
ബോബന്‍ സംവിധാനം ചെയ്ത ജനപ്രിയന്‍ എന്ന ചിത്രത്തില്‍ ജയസൂര്യയായിരുന്നു നായകന്‍. തുടര്‍ന്ന് ബിജുമേനോന്‍-കുഞ്ചാക്കോ ബോബന്‍ എന്നിവരെ നായകന്മാരാക്കി റോമന്‍സ് ഒരുക്കി. ഈ ചിത്രങ്ങള്‍ രണ്ടും ബോക്സോഫീസില്‍ വിജയമായിരുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, filmmakers
