 |
 |
 |
 |
 |
 |
 |
 |
 |
 |
 |
 |
 |
 |
തൃശ്ശൂര്‍ ഗവണ്മെന്റ് എഞ്ചിനീയറിംഗ് കോളേജ് പൂര്‍വ വിദ്യാര്‍ത്ഥി സംഘടനയായ ട്രെയ്സ് (TRACE) യു. എ. ഇ. ഘടകത്തിന്റെ വാര്‍ഷിക സംഗമം ഈ മാസം 6ന് അബുദാബിയില്‍ നടക്കും. അബുദാബി കോര്‍ണീഷ് ഷെറാട്ടണ്‍ ഹോട്ടലില്‍ രാവിലെ 9 മണിക്ക് വാര്‍ഷിക പരിപാടികള്‍ ആരംഭിക്കുമെന്ന് സെക്രട്ടറി പി. വി. ബാലമുരളി അറിയിച്ചു. ചലചിത്ര താരം ജഗദീഷ് മുഖ്യ അതിഥി ആയിരിക്കും.
-
യു. എ. ഇ. യില്‍ എത്തിയിട്ടുള്ള ഗുരുവായൂര്‍ എം. എല്‍. എ. യും കേരള വഖഫ് ബോര്‍ഡ് ചെയര്‍മാനുമായ കെ. വി. അബ്ദുല്‍ ഖാദറിന് ഒരുമ ഒരുമനയൂര്‍ യു. എ. ഇ. സെന്‍ട്രല്‍ കമ്മിറ്റി സ്വീകരണം നല്‍കുന്നു. ജനുവരി മുപ്പതാം തിയ്യതി വെള്ളിയാഴ്ച രാത്രി ഒന്‍പതു മണിക്ക് കരാമയിലുള്ള സൈവ് സ്റ്റാര്‍ ഹോട്ടലില്‍ വെച്ച് നടക്കുന്ന സ്വീകരണ പരിപാടിയിലേക്ക് എല്ലാ മെമ്പര്‍മാരെയും സ്വാഗത ചെയ്യുന്നു എന്ന് സംഘാടകര്‍ അറിയിച്ചു.
– പി. എം. അബ്ദുള്‍ റഹിമാന്‍, അബുദാബി
-
വായിക്കുക: സംഘടന
മനാമ: ബഹ്റൈനിലെ ബ്ലോഗേസ്സിന്റെ കൂട്ടായ്മയായ ബഹ്റൈന്‍ ബൂലോകം ജനുവരി 28നു വൈകുന്നേരം 8 മണിക്കു കന്നട സംഘില്‍ വച്ച് ‘ചിരി അരങ്ങ്’ സംഘടിപ്പിക്കുന്നു. ഇന്ന് നാം സ്റ്റേജ് ഷോകളിലും മാധ്യമങ്ങളിലും കാണുന്ന ഹാസ്യ പരിപാടികളില്‍ നിന്നു വ്യത്യസ്തമായി ജീവിതത്തില്‍ സംഭവിച്ചിട്ടുള്ളതും അനുഭവിച്ചി ട്ടുളള്ളതുമായ നിരവധി ചിരിയുണര്‍ത്തിയ സാഹചര്യങ്ങളെ പുറത്തെടുക്കു കയെന്നതാണു ഈ പരിപാടിയുടെ ലക്ഷ്യം എന്ന് സംഘാടകര്‍ അറിയിച്ചു.
– രാജു ഇരിങ്ങല്‍
-
മുസ്വഫ എസ്. വൈ. എസ്. കമിറ്റിയുടെ ആഭിമുഖ്യത്തില്‍ ഈ വര്‍ഷത്തെ നബി ദിന ആഘോഷ പരിപാടികള്‍ റഹ്‌മത്തുല്‍ ലില്‍ ആലമീന്‍ അഥവാ ലോകനുഗ്രഹി എന്ന പ്രമേയവുമായി വിപുലമായി നടത്തുവാന്‍ മുസ്വഫ എസ്. വൈ. എസ്. ആസ്ഥാനമായ വാദി ഹസനില്‍ ചേര്‍ന്ന എക്സിക്യൂട്ടീവ്‌ കമ്മറ്റി തീരുമാനിച്ചു. വര്‍കിംഗ്‌ പ്രസിഡണ്ട് മുസ്തഫ ദാരിമിയുടെ അദ്ധ്യക്ഷതയില്‍ നടന്ന യോഗത്തില്‍ അബ്‌ദുല്ല കുട്ടി ഹാജി ചെയര്‍മാന്‍ , ബഷീര്‍ പി. ബി. വെള്ളറക്കാട്‌ ജനറല്‍ കണ്‍‌വീനര്‍, മുഹമ്മദ് കുട്ടി ഹാജി കൊടിഞ്ഞി ട്രഷററുമായി മുസ്വഫയിലെ വിവിധ ഏരിയകളിലെ അംഗങ്ങളെ ഉള്‍പ്പെടുത്തി 101 അംഗ സ്വാഗത സംഘം രൂപീകരിച്ചു.
മീലാദ്‌ പ്രഭാഷണങ്ങള്‍, മൗലിദ്‌ മജ്‌ലിസുകള്‍, ബുര്‍ദ ആസ്വാദന വേദി, മദ്‌ഹ്‌ ഗാന മത്സരം, ജനറല്‍ ക്വിസ്‌, കുടുംബ സംഗമം, വനിതാ ക്വിസ്‌, ഖുര്‍ ആന്‍ പാരായണ മത്സരം, പ്രബന്ധ രചനാ മത്സ്രരം ,മദ്രസ്സാ വിദ്യാര്‍ത്ഥികളുടെ കലാ പരിപാടികള്‍, വി. സി. ഡി. വിതരണം, പുസ്തക പ്രസിദ്ധീകരണം, പ്രവര്‍ത്തക സംഗമം, ദുആ സമ്മേളനം, അന്ന ദാനം തുടങ്ങി വിവിധ പരിപാടികള്‍ നടത്തുവാന്‍ തീരുമാനിച്ചു. പരിപാടികളില്‍ കേരളത്തില്‍ നിന്നെത്തുന്ന പണ്ഡിതന്മാര്‍, യു. എ. ഇ. യില്‍ നിന്നും പ്രമുഖ പണ്ഡിതന്മാര്‍, സാസ്കാരിക പ്രവര്‍ത്തകര്‍ തുടങ്ങി പ്രമുഖര്‍ സംബന്ധിക്കുന്നതാണ്.
മീലാദ്‌ ഫെസ്റ്റ്‌ 2009 മുന്നൊരുക്ക സംഗമം ഫെബ്രുവരി 13 നു വെള്ളിയാഴ്ച രാത്രി ഇശാ നിസ്കാര ശേഷം ന്യൂ മുസ്വഫ മില്ലെനിയം സൂപ്പര്‍ മാര്‍കറ്റിനു സമീപമുള്ള പള്ളിയില്‍ സംഘടിപ്പിക്കുന്നതാണ്.
കൂടുതല്‍ വിവരങ്ങള്‍ക്ക്‌ : 02-5523491 055-9134144 050-6720786
– അബു ബക്കര്‍, ഓമച്ചപ്പുഴ
-
ദുബായ് കെ. എം. സി. സി. സംസ്ഥാന കമ്മിറ്റി വൈസ് പ്രസിഡണ്ടായി തിരഞ്ഞെടുക്കപ്പെട്ട ഉബൈദ് ചേറ്റുവക്ക് ഏങ്ങണ്ടിയൂര്‍ പഞ്ചായത്ത്‌ കെ. എം. സി. സി. കമ്മിറ്റി സംഘടിപ്പിച്ച സ്വീകരണ യോഗത്തില്‍ തൃശൂര്‍ ജില്ലാ പ്രസിഡണ്ട് ജമാല്‍ മനയത്ത് ഉപഹാരം നല്‍കി സ്വീകരിച്ചു. ഏങ്ങണ്ടിയൂര്‍ പഞ്ചായത്ത്‌ കെ. എം. സി. സി. കമ്മിറ്റി പ്രസിഡണ്ട് ഇബ്രാഹിം കുട്ടി അദ്ധ്യക്ഷത വഹിച്ച സ്വീകരണ യോഗത്തില്‍ ഷാഹുല്‍ ഹമീദ്, അലി അകലാട്, അബ്ദുള്ളക്കുട്ടി ചേറ്റുവ, മുഹമ്മദ് വെട്ടുകാട്, അലി കാക്കശ്ശേരി, ഷിഹാബുദ്ദീന്‍ എന്നിവര്‍ ആശംസകള്‍ നേര്‍ന്നു.
തന്‍റെ മറുപടി പ്രസംഗത്തില്‍, പൊതു പ്രവര്‍ത്തന രംഗത്തെ അനുഭവങ്ങള്‍ പങ്കു വെച്ചതും, മണ്‍ മറഞ്ഞു പോയ നേതാക്കളെ അനുസ്മരിച്ച് സംസാരിച്ചതും, സദസ്യരുടെ മിഴികള്‍ ഈറനണിയിച്ചു.
അബ്ദുല്‍ അസീസ് സ്വാഗതവും വി. എച്ച്. മുജീബ് നന്ദിയും പറഞ്ഞു.
– പി. എം. അബ്ദുള്‍ റഹിമാന്‍, അബുദാബി
-
വായിക്കുക: സംഘടന
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |