മുംബൈ: പാകിസ്താനില് നിന്നും എത്തി ബോളിവുഡ് താരമായി മാറിയ വീണാ മാലിക്കിനെ കാണാനില്ല. അവരുടെ ബിസിനസ്സ് മാനേജര് പ്രതീക് മേത്തയാണ് ഇക്കാര്യം പരാതിപ്പെട്ടത്. ഈയിടെ ഇവരുടെ നഗ്നചിത്രം ഒരു മാസികയുടെ കവര്പേജില് പ്രത്യക്ഷപ്പെട്ടതിനെ തുടര്ന്ന് ഏറെ വിവാദങ്ങളില് അകപെട്ടിരുന്നു. ഇതിനെ തുടര്ന്ന് പാകിസ്താനില് നിന്ന് ഇതിനെതിരെ കടുത്ത പ്രതിഷേധം ഉയരുകയുണ്ടായി. പാക് ക്രിക്കറ്റ് താരം മുഹമ്മദ് ആസിഫിന്റെ കാമുകിയായിരുന്ന ഇവര് വാതുവെപ്പ് കേസില് അസ്സിഫിനെതിരെ മൊഴി നല്കിയതിലൂടെയാണ് പ്രശസ്തയാകുന്നത്. കഴിഞ്ഞദിവസം ഗോരെഗാവിലെ ഫിലിംസിറ്റിയില് ‘മുംബൈ 125 കിലോമീറ്റേഴ്സ്’ എന്ന ചിത്രത്തിന്റെ ഷൂട്ടിങ്ങിന് വേണ്ടി പോയ അവരെ പിന്നീട് കണ്ടിട്ടില്ലെന്നും ഷൂട്ടിങ് തീര്ന്ന ശേഷം അവര് ഒരു കാറില്ക്കയറി പോകുന്നത് കണ്ടെന്നും പിന്നീടവരെ ഫോണില്പ്പോലും ബന്ധപ്പെടാന് കഴിഞ്ഞിട്ടില്ലെന്നും ഇവരുടെ മേത്ത പറയുന്നു. ബാന്ദ്രാ പോലീസ് സ്റ്റേഷനില് പരാതി നല്കിയിയിട്ടുണ്ട്.
-
അനുബന്ധ വാര്ത്തകള്
വായിക്കുക: കുറ്റകൃത്യം, സ്ത്രീ, സ്ത്രീ വിമോചനം
