 |
 |
 |
 |
 |
 |
 |
 |
 |
 |
 |
 |
 |
 |
പാക് പൌരത്വം തെളിയിക്കുന്നത് വരെ ഇന്ത്യയുടെ പിടിയിലായ ഭീകരന് അജ്മല് കസബിന് പാക്കിസ്താന് നിയമ സഹായം നല്കില്ല. ഇയാള് പാക് പൌരനല്ലെന്ന നിലപാടിലാണ് പക് ഭരണകൂടം. കസബിന്റെ പാക് പൌരത്വം തെളിയിക്കുന്ന രേഖ കളൊന്നും ഇന്ത്യന് സര്ക്കാര് പാക്കിസ്താന് കൈമാറിയിട്ടി ല്ലെന്ന് പാക്കിസ്താന് വക്താക്കള് വ്യക്തമാക്കിയിട്ടുണ്ട്.
- സ്വന്തം ലേഖകന്
വായിക്കുക: അന്താരാഷ്ട്രം, തീവ്രവാദം
വളരെ ഏറെ കാലം ഏകാധിപത്യ ഭരണത്തിന് കീഴില് ആയിരുന്ന ഗിനിയില് പട്ടാളം ഭരണം പിടിച്ചെടുത്തു. കഴിഞ്ഞ 24 വര്ഷം ഗിനിയില് ഏകാധിപത്യ ഭരണം നടത്തിയ പ്രസിഡന്റ് ലന്സാനാ കൊണ്ടേ തിങ്കളാഴ്ച രാത്രി അന്തരിച്ചതിനു തൊട്ടു പിന്നാലെയാണ് പട്ടാളം ഭരണം പിടിച്ചെടുത്തതായി പ്രഖ്യാപിച്ചത്. ദേശീയ ജനാധിപത്യ കൌണ്സില് എന്നു സ്വയം വിശേഷിപ്പിച്ചാണ് പട്ടാളം രാജ്യത്തിന്റെ അധികാരം തങ്ങള് പിടിച്ചെടുത്തതായി ദേശീയ ടെലിവിഷനിലും റേഡിയോയിലും പ്രഖ്യാപിച്ചത്. ഉടന് തന്നെ രാജ്യത്ത് തെരഞ്ഞെടുപ്പ് നടത്തും എന്നും പട്ടാളം അറിയിച്ചിട്ടുണ്ട്.
- ജെ.എസ്.
വായിക്കുക: അന്താരാഷ്ട്രം, മനുഷ്യാവകാശം
ലോകത്തിലെ ഏറ്റവും വലിയ യുറാനിയം നിക്ഷേപത്താല് സമ്പന്നമായ ഖസാക്കിസ്ഥാന് ഇന്ത്യക്ക് യുറാനിയം നല്കാന് സന്നദ്ധമാണ് എന്ന് അറിയിച്ചു. ഇതിനായി ഒരു സമഗ്രമായ ആണവ കരാര് ഉണ്ടാക്കുവാനും ഖസാക്കിസ്ഥാന് ഉദ്ദേശിക്കുന്നു എന്ന് ഖസാക്കിസ്ഥാന് പ്രതിനിധിയും പണ്ഡിതനുമായ മരാത്ത് ഷെയിഖുദ്ധിനോവ് അറിയിച്ചതാണ് ഇത്. ഡല്ഹയില് ഇന്ത്യാ – ഖസാക്കിസ്ഥാന് സഹകരണത്തെ സംബന്ധിച്ച ഒരു ചര്ച്ചയില് പങ്കെടുത്ത് സംസാരിക്കുക ആയിരുന്നു അദ്ദേഹം. എണ്ണവും പ്രകൃതി വാതകവും നല്കുന്നത് സംബന്ധിച്ചും ഇത്തരം കരാറുകള് ഇന്ത്യയുമായി ഉണ്ടാക്കും എന്നും അദ്ദേഹം പറഞ്ഞു. ഖസാക്കിസ്ഥാന് പ്രസിഡന്റ് നുര്സുല്ത്താന് നസര്ബയേവിന്റെ ഇന്ത്യാ സന്ദര്ശനത്തിന് മുന്നോടിയായി ആയിരുന്നു ഈ ചര്ച്ച സംഘടിപ്പിച്ചത്. ഇന്ത്യയുമായി തീവ്രവാദ വിരുദ്ധ സഹകരണവും ശക്തമാക്കാന് ഖസാക്കിസ്ഥാന് ഉദ്ദേശിക്കുന്നു. 2002ല് തന്നെ ഇത്തരം ഒരു ഭീകര വിരുദ്ധ കരാര് ഇരു രാജ്യങ്ങളും തമ്മില് ഉണ്ടാക്കിയിരുന്നു എങ്കിലും ഈ രംഗത്ത് ഏറെയൊന്നും മുന്നോട്ട് പോവാന് ആയില്ല. ചില പ്രതിനിധി ചര്ച്ചകള് മാത്രം നടന്നു. പ്രായോഗികമായ നടപടികള് ഒന്നും ഉണ്ടായില്ല. വിദഗ്ദ്ധരുമായി ഉള്ള ചര്ച്ചകളും നടന്നില്ല എന്നും അദ്ദേഹം പരിതപിച്ചു.
- ജെ.എസ്.
വായിക്കുക: അന്താരാഷ്ട്രം, ഇന്ത്യ
ബാഗ്ദാദ് : സ്ഥാനം ഒഴിയാന് ഏതാനും ദിവസങ്ങള് മാത്രം ബാക്കി നില്ക്കേ ഇറാഖില് ഒരു മിന്നല് സന്ദര്ശനം നടത്തി ഇറാഖ് യുദ്ധം ഇനിയും അവസാനിച്ചിട്ടില്ല എന്ന് പറഞ്ഞ് യുദ്ധത്തെ ന്യായീകരിച്ചു സംസാരിച്ച അമേരിക്കന് പ്രസിഡന്റിന് പത്ര സമ്മേളനത്തിന് ഇടയില് ചെരിപ്പ് കൊണ്ട് ഏറ് കിട്ടി. തക്ക സമയത്ത് ഒഴിഞ്ഞു മാറിയത് കൊണ്ട് മാത്രം എറിഞ്ഞ രണ്ട് ഷൂസുകളും ലോകത്തെ ഏറ്റവും വെറുക്കപ്പെട്ട മനുഷ്യനായി ഒട്ടനവധി തവണ തെരഞ്ഞെടുക്കപ്പെട്ട ബുഷിന്റെ മുഖത്ത് പതിച്ചില്ല. ഇറാഖ് പ്രധാന മന്ത്രി നൌരി അല് മലീക്കിയുടെ കൂടെ നടത്തിയ പത്ര സമ്മേളനത്തില് നൌറിക്ക് കൈ കൊടുക്കുവാന് ബുഷ് മുന്നോട്ട് വന്നപ്പോഴാണ് ഒരു ടെലിവിഷന് റിപ്പോര്ട്ടറായ മുന്തദാര് അല് സെയ്ദി വെറും 20 അടി ദൂരെ നിന്ന് തന്റെ രണ്ട് ഷൂസും അമേരിക്കന് പ്രസിഡന്റിനു നേരെ വലിച്ചെറിഞ്ഞത്.
“ഇത് ഒരു വിട നല്കല് ചുംബനം ആണെടാ പട്ടീ. ഇറാഖില് ശേഷിക്കുന്ന വിധവകളുടേയും അനാഥരായ കുട്ടികളുടേയും കൊല്ലപ്പെട്ട ഇറാഖി പൊരന്മാരുടേയും വക ആണിത്” എന്ന് ഉറക്കെ അറബിയില് വിളിച്ചു പറഞ്ഞു കൊണ്ടാണ് ഇയാള് ചെരുപ്പ് എറിഞ്ഞത്.
ഇയാളുടെ മേല് ചാടി വീണ സുരക്ഷാ ഉദ്യോഗസ്ഥര് ഇയാളെ മര്ദ്ദിച്ചതിനെ തുടര്ന്ന് ഇയാളുടെ നിലവിളി ഉയര്ന്ന് കേള്ക്കുകയും ഇയാളെ അവിടെ നിന്നും വലിച്ചിഴച്ച് കൊണ്ട് പോകുകയും ചെയ്തു. സുരക്ഷാ ഉദ്യോഗസ്ഥരുടെ ഇടയില് കൂടി ഇയാളെ കാണാന് കഴിഞ്ഞില്ല എങ്കിലും ഇയാളെ വലിച്ച് ഇഴച്ച് കൊണ്ട് പോയ വഴി നീളെ രക്തം കിടന്നിരുന്നു എന്ന് ദൃക്സാക്ഷികള് അറിയിച്ചു.
ഇയാള് ജോലി ചെയ്യുന്ന അല് ബാഗ്ദാദിയ ടെലിവിഷന് പിന്നീട് ഇയാളുടെ ജീവന് രക്ഷിക്കണം എന്ന് ഇറാഖ് സര്ക്കാരിനോട് ടെലിവിഷനിലൂടെ അപേക്ഷിക്കുക യുണ്ടായി. ലോകമെമ്പാടും ഉള്ള മാധ്യമ പ്രവര്ത്തകര് അല് സെയ്ദിയുടെ മോചനത്തിനായി ഐക്യ ദാര്ഢ്യം പ്രഖ്യാപിക്കണം എന്നും ചാനല് അഭ്യര്ത്ഥിച്ചു.
- ജെ.എസ്.
വായിക്കുക: അന്താരാഷ്ട്രം, അമേരിക്ക, പ്രതിഷേധം, മനുഷ്യാവകാശം
പാക്കിസ്ഥാനെ ഭീകര രാഷ്ട്രങ്ങളുടെ പട്ടികയില് ഉള്പ്പെടുത്തണം എന്ന് പ്രവാസി ഇന്ത്യക്കാര്. അമേരിക്കയിലെ ബി. ജെ. പി. അനുകൂല സംഘടനയായ ഒ. എഫ്. ബി. ജെ. പി. യുടെ നേതൃത്വത്തില് മാന്ഹട്ടനിലെ ഐക്യ രാഷ്ട്ര സംഘടനാ ആസ്ഥാനത്ത് തടിച്ചു കൂടിയ ഇന്ത്യന് പ്രവാസികള് ആണ് ഈ ആവശ്യം മുന്നോട്ട് വെച്ചത്. ലോകത്തെമ്പാടും നടന്ന ഭീകര ആക്രമണ ങ്ങളിലും തന്നെ പാക്കിസ്ഥാന്റെ കരങ്ങള് ഉണ്ടായി രുന്നെന്ന് അവര് കുറ്റപ്പെടുത്തി. പാകിസ്ഥാനില് നിന്നും വീണ്ടു മൊരിക്കല് കൂടി ഇത്തരം ഒരു ആക്രമണം ഉണ്ടാവാ തിരിക്കാന് വേണ്ട നടപടികള് ഉടന് കൈക്കൊ ള്ളണമെന്ന് അവര് ഐക്യ രാഷ്ട്ര സംഘടനാ സെക്രട്ടറി ജനറലിന് നല്കിയ നിവേദനത്തില് പറഞ്ഞു.
ജമാ അത്ത് ഉദ് ദവ സംഘടനയെ നിരോധിച്ച നടപടി ഇതിനിടെ ആഗോള തലത്തില് സ്വാഗതം ചെയ്യപ്പെടുന്നുണ്ട്.
- സ്വന്തം ലേഖകന്
വായിക്കുക: അന്താരാഷ്ട്രം, തീവ്രവാദം, ലോക മലയാളി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
