ലഖ്നൗ : ഉത്തര്പ്രദേശ് സംസ്ഥാനത്തെ ദരിദ്രരില് ദരിദ്രരായ 31 ലക്ഷം പേര്ക്ക് ദൈനംദിന ആവശ്യങ്ങള് നടക്കുവാന് ഉദ്ദേശിച്ചുള്ള ഒരു പുതിയ ക്ഷേമ പദ്ധതിക്ക് മുഖ്യമന്ത്രി മായാവതി ഇന്നലെ തുടക്കമിട്ടു. കഴിഞ്ഞ ജനുവരി 15ന് തന്റെ പിറന്നാളിന്റെ അന്ന് പ്രഖ്യാപിച്ച “ഉത്തര് പ്രദേശ് മുഖ്യ മന്ത്രി മഹാമായ ഗരീബ് ആര്ത്ഥിക് മദദ് യോജന” എന്ന പദ്ധതി പ്രകാരം പ്രതിമാസം 300 രൂപ ദരിദ്ര കുടുംബത്തിലെ മുതിര്ന്ന വനിതാ അംഗത്തിന് നല്കും. പണം പുരുഷന്മാര് എടുത്ത് ചിലവഴിക്കാ തിരിക്കാനാണ് വനിതാ അംഗത്തിന് തന്നെ നല്കുന്നത്. ആറു മാസത്തേക്കുള്ള തുക ഒരുമിച്ച് ഇവരുടെ പേരില് ആരംഭിച്ച ബാങ്ക് അക്കൌണ്ടില് നിക്ഷേപിക്കും. ഇതിന്റെ ഭാഗമായി ആദ്യ ഗഡു ബാങ്കില് നിക്ഷേപിച്ച് ഇവര്ക്കുള്ള ബാങ്ക് പാസ് ബുക്ക് ഇന്നലെ മായാവതി പത്ത് വനിതകള്ക്ക് കൈമാറി.
സംസ്ഥാന സര്ക്കാര് നടത്തിയ പഠനത്തില് ലക്ഷക്കണക്കിന് കുടുംബങ്ങളെ ദാരിദ്ര്യ രേഖയില് ഉള്പ്പെടുത്തിയിട്ടില്ല എന്ന് കണ്ടെത്തിയിട്ടുണ്ട്. എന്നാല് ഇവരെ ഉള്പ്പെടുത്താന് ഉള്ള ആവശ്യം കേന്ദ്ര സര്ക്കാര് ഇത് വരെ അംഗീകരിച്ചിട്ടില്ല. സംസ്ഥാനത്തിന്റെ പരിമിതികള്ക്കുള്ളില് നിന്ന് കൊണ്ട് ഇവരെ സഹായിക്കാന് ലക്ഷ്യമിട്ട് കൊണ്ടാണ് പുതിയ പദ്ധതി. പദ്ധതിയുടെ ആദ്യ ഘട്ടം പൂര്ത്തിയാക്കാന് 535 കോടി രൂപ ചെലവ് വരും എന്നും മായാവതി അറിയിച്ചു.
അന്താരാഷ്ട്ര സാക്ഷരതാ ദിനമായ സെപ്റ്റംബര് എട്ടിന് പ്രധാന മന്ത്രി മന് മോഹന് സിംഗ് ആറര കോടി രൂപയുടെ “സാക്ഷര് ഭാരത്” എന്ന ദേശീയ സാക്ഷരതാ പദ്ധതി പ്രഖ്യാപിച്ചു. ഇന്ത്യയില് 30 കോടി ജനം ഇന്നും നിരക്ഷരരാണ്. ഇന്ത്യയിലെ സ്ത്രീകളില് പകുതിയും അക്ഷര ജ്ഞാനം ഇല്ലാത്തവരാണ്. ഇത് തൃപ്തികരമല്ല. ദേശീയ സാക്ഷരതാ മിഷന് ഉടച്ചു വാര്ത്ത് അടുത്ത അഞ്ചു വര്ഷത്തിനുള്ളില് സമ്പൂര്ണ്ണ സ്ത്രീ സാക്ഷരത കൈവരിക്കും എന്ന് നേരത്തേ രാഷ്ട്രപതി പ്രതിഭാ പാട്ടീല് പ്രഖ്യാപി ച്ചിരുന്നതിന്റെ സാക്ഷാല്ക്കാ രത്തിലേക്കുള്ള ആദ്യത്തെ ചുവടു വെയ്പ്പാണ് അന്താരാഷ്ട്ര സാക്ഷരതാ ദിനത്തില് കൈക്കൊ ണ്ടിരിക്കുന്നത് എന്ന് പ്രധാന മന്ത്രി അറിയിച്ചു. 
സ്ത്രീകള്ക്ക് ഇസ്ലാം നിഷ്കര്ഷിക്കുന്ന ബുര്ഖ അഥവ പര്ദ്ദ മതപരമായ ചിഹ്നം ആയല്ല, മറിച്ച് സ്ത്രീകളെ തരം താഴ്ത്താനുള്ള ഉപാധി ആയിട്ടാണ് ഫ്രാന്സ് കാണുന്നത് എന്ന് ഫ്രഞ്ച് പ്രസിഡണ്ട് നിക്കോളാസ് സാര്ക്കോസി വ്യക്തമാക്കി. കഴിഞ്ഞ ഏതാനും ദിവസങ്ങളായി ഫ്രാന്സില് സജീവമായ ബുര്ഖാ വിവാദത്തിന്റെ പശ്ചാത്തലത്തില് ആണ് പ്രസിഡണ്ടിന്റെ ഈ പരാമര്ശം. 
ചരിത്രത്തില് ആദ്യമായി കുവൈറ്റിലെ ജനങ്ങള് വനിതകളെ പാര്ലമെന്റിലേക്ക് തെരഞ്ഞെടുത്തു. ഒട്ടേറെ ഇസ്ലാമിക മൌലിക വാദികളെ തിരസ്ക്കരിക്കുക കൂടി ചെയ്ത ഈ തെരഞ്ഞെടുപ്പിലൂടെ കുവൈറ്റിലെ ഏറെ കാലമായി നില നിന്ന രാഷ്ട്രീയ അസ്ഥിരതക്ക് അറുതി വരും എന്ന് പ്രതീക്ഷിക്കപ്പെടുന്നു. 2005ല് തന്നെ സ്ത്രീകള്ക്ക് തെരഞ്ഞെടുപ്പില് മത്സരിക്കാം എന്ന നിയമം പ്രാബല്യത്തില് വന്നിരുന്നു എങ്കിലും കഴിഞ്ഞ രണ്ട് തെരഞ്ഞെടുപ്പിലും ഒരു വനിതക്ക് പോലും വിജയിക്കാന് കഴിഞ്ഞിരുന്നില്ല. എന്നാല് മിനിഞ്ഞാന്ന് നടന്ന തെരഞ്ഞെടുപ്പില് നാല് വനിതകള് വിജയിച്ചതായി ഇന്നലെ വൈകീട്ട് ടെലിവിഷനിലൂടെ നടന്ന ഫല പ്രഖ്യാപനത്തില് അറിയിച്ചു. 
