കൂത്താട്ടുകുളം : കൂത്താട്ടുകുളത്ത് ജീപ്പ് മതിലിനിടിച്ച് 2 കുട്ടികളും ഡ്രൈവറും മരിച്ചു. മേരിഗിരി സ്കൂള്‍ വിദ്യാര്‍ഥികളായ ആന്മരിയ,നയന എന്നിവരും ജീപ്പ് ഡ്രൈവര്‍ ജോസുമാണ് മരിച്ചത്. 12 പേര്‍ക്ക് പരിക്കേറ്റു. തിങ്കളാഴ്ച്ച രാവിലെ 8.30 നാണ് അപകടം സംഭവിച്ചത്. റോഡിലൂടെ പോകുകയായിരുന്ന ബൈക്ക്കാരനെ രക്ഷിക്കാന്‍ ജീപ്പ് വെട്ടിച്ചതാണ് അപകടത്തിന് കാരണമായതെന്ന് സമീപവാസികള്‍ പറയുന്നു.
ജീപ്പിന്റെ മുന്‍ഭാഗം പൂര്‍ണ്ണമായും തകര്‍ന്ന അവസ്ഥയിലായിരുന്നു. ജീപ്പ് വെട്ടിപ്പൊളിച്ചാണ് പരിക്കേറ്റവരെ രക്ഷിച്ചത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്. ആരുടേയും നില ഗുരുതരമല്ല. ജീപ്പിന്റെ ബ്രേക്ക് നഷ്ടപ്പെട്ടതായി ഡ്രൈവര്‍ പറഞ്ഞിരുന്നുവെന്നും ചില കുട്ടികള്‍ പറയുന്നു.
- അവ്നി
