കോതമംഗലം: സൈകതം ബുക്‌സ് ആന്റ് കമ്യൂണിക്കേഷന്‍ സെന്ററിന്റെ ഉദ്ഘാടനം ഡിസംബര്‍ 3ന്. ഉച്ചയ്ക്ക് രണ്ടു മണിക്ക് നടക്കും. മലയാളത്തിലെ പ്രമുഖ പ്രസാധകരുടെ വിവിധ വിഭാഗങ്ങളിൽപ്പെട്ട പുസ്തകങ്ങൾ ഉൾക്കൊള്ളൂന്ന ഷോറൂമും അത്യാധുനിക സൗകര്യങ്ങളുള്ള കമ്യൂണിക്കേഷന്‍ സെന്ററുമാണ് കോതമംഗലത്ത് കോളജ് ജങ്ഷനിൽ ഒരുക്കിയിരിക്കുന്നത്. ഷോറൂം & ഒഫീസ് ഉദ്ഘാടനം കെ. പി. ബാബു (മുനസിപ്പൽ ചെയർമാൻ) വിനീത് ശ്രീനിവാസന്‍ (നടന്‍, സംവിധായകന്‍) ഇന്ദ്രൻസ് (നടൻ) എന്നിവര്‍ ഭദ്രദീപം കൊളുത്തി നിര്‍വഹിക്കും. തുടർന്നുള്ള പുസ്തക പ്രകാശനവും സാംസ്കാരിക സംഗമവും അഡ്വ. സെബാസ്റ്റ്യന്‍ പോൾ (മാധ്യമവിമർശകന്‍, മുന്‍ എം പി) ഉദ്ഘാടനം ചെയ്യും. ഷെവ. പ്രൊഫ. ബേബി എം. വർഗീസ് അദ്ധ്യക്ഷത വഹിക്കും, ടി. പി. രാജീവന്‍ മുഖ്യപ്രഭാഷണം നടത്തും. സൈകതം പ്രസിദ്ധീകരിച്ച വിവിധ കൃതികളുടെ പ്രകാശനം പ്രമുഖരായ സാംസ്കാരിക പ്രവര്‍ത്തകര്‍ നിര്‍വഹിക്കും.
-
അനുബന്ധ വാര്‍ത്തകള്‍
വായിക്കുക: സാഹിത്യം
