തിരുവനന്തപുരം:ഏറെ കാത്തിരിപ്പിനും വിവാദങ്ങള്ക്കും ഒടുവില് മഞ്ഞളാംകുഴി അലിയെ മന്ത്രിയാക്കാന് യുഡിഎഫ് തീരുമാനിച്ചതായി മുസ്ലീംലീഗ് സംസ്ഥാന ജനറല് സെക്രട്ടറി കെ പി എ മജീദ് ഇക്കാര്യം അറിയിച്ചു. എന്നാല് പിറവം ഉപതെരഞ്ഞെടുപ്പിന് ശേഷം മാത്രമേ സത്യപ്രതിജ്ഞ നടക്കുകയുള്ളൂ എന്ന് മജീദ് പറഞ്ഞു. മഞ്ഞളാംകുഴി അലിയായിരിക്കും അഞ്ചാം മന്ത്രിയെന്ന് ലീഗ് അധ്യക്ഷന് പാണക്കാട് ഹൈദരാലി ശിഹാബ് തങ്ങള് പ്രഖ്യാപിക്കുകയും ചെയ്തിരുന്നു എന്നാല് ഉമ്മന് ചാണ്ടിയും കെ. എം. മാണിയും ഇതിനെ എതിര്ത്തതിനെ തുടര്ന്ന് മന്ത്രിസ്ഥാനം ലഭിക്കുന്നത് നീണ്ടുപോയി. പിന്നീട് പലവട്ടമായി ഇക്കാര്യത്തില് ചര്ച്ചകള് നടന്നിരുന്നുവെങ്കിലും തീരുമാനം നീണ്ടുപോവുകയായിരുന്നു. ഇത് ലീഗിനകത്തും ഒട്ടേറെ പ്രശ്നങ്ങള്ക്ക് കാരണമായിരുന്നു. ഒടുവില് ലീഗിന്റെ സമ്മര്ദ്ദതന്ത്രങ്ങള്ക്കുമുന്നില് യുഡിഎഫ് നേതൃത്വം വഴങ്ങിയില്ലെങ്കില് പിറവം തിരഞ്ഞെടുപ്പില് ലീഗ് സഹകരിക്കില്ലെന്ന ഭീഷണി ഫലിച്ചു. പിറവത്ത് കഴിഞ്ഞ തവണ ടിഎം ജേക്കബ് ജയിച്ചത് നേരിയ ഭൂരിപക്ഷത്തിനായാതിലാല് ലീഗിന്റെ നിലപാട് നിര്ണായകമാകുമെന്ന തിരിച്ചറിവാണ് മന്ത്രിസ്ഥാനം നല്കി ലീഗിനെ പ്രീതിപ്പെടുത്താന് യുഡിഎഫിനെ പ്രത്യേകിച്ചും കോണ്ഗ്രസിനെ പ്രേരിപ്പിച്ചത്. പിറവം ഉപതെരഞ്ഞെടുപ്പില് വിജയിക്കാനായാല് ടിഎം ജേക്കബിന്റെ മകന് അനുപ് ജേക്കബിന്റേയും മഞ്ഞളാംകുഴി അലിയുടേയും സത്യപ്രതിജ്ഞ ഒന്നാച്ച് ഉണ്ടാകുമെന്നും. ലീഗിന്റെ അഞ്ചാം മന്ത്രിയുടെ കാര്യത്തില് യുഡിഎഫില് അഭിപ്രായ ഭിന്നതയില്ലെന്നും അതുകൊണ്ട് മന്ത്രിക്കാര്യം ഇനി യുഡിഎഫ് ചര്ച്ച ചെയ്യേണ്ട കാര്യമില്ലെന്നും മജീദ് പറഞ്ഞു.
-
അനുബന്ധ വാര്ത്തകള്
വായിക്കുക: കേരള രാഷ്ട്രീയം, തിരഞ്ഞെടുപ്പ്, വിവാദം
