കോഴിക്കോട് : കോഴിക്കോട് ജില്ലാ കളക്ടര് സ്ഥാനത്തുനിന്നും എന് പ്രശാന്തിനെ സ്ഥലം മാറ്റി. പുതിയ കളക്ടറായി ടൂറിസം ഡയറക്ടര് യു. വി. ജോസ് സ്ഥാനമേല്ക്കും. കോഴിക്കോട് ജില്ലയില് വളരെയധികം ജനകീയ പ്രവര്ത്തനങ്ങള് ചെയ്തിട്ടുള്ള ആളാണ് എന്. പ്രശാന്ത്. അദ്ദേഹം കളക്ടര് ബ്രോ എന്ന പേരിലാണ് സോഷ്യല് മീഡിയയില് അറിയപ്പെടുന്നത്. സുലൈമാനി, സവാരി ഗിരി ഗിരി, കരുണ ചെയ്യാന് തുടങ്ങിയ അദ്ദേഹത്തിന്റെ പ്രവര്ത്തനങ്ങള് വളരെയധികം ശ്രദ്ധ നേടിയിരുന്നു.
കോഴിക്കോട് ജില്ലയിലെ റവന്യൂ റിക്കവറിയില് കുടുങ്ങുന്നത് വമ്പന്മാരാണെന്നും കോടികള് നിയമവിരുദ്ധമായി കയ്യില് വച്ചിരുക്കുന്നവരെ പിടികൂടണമെന്നും കാണിച്ച് അദ്ദേഹം ഫേസ്ബുക്കില് പോസ്റ്റ് ഇട്ടിരുന്നു. ഇതിനെ തുടര്ന്നാണ് സ്ഥലം മാറ്റമെന്നു കരുതുന്നു.
