തിരുവനന്തപുരം : സംസ്ഥാനത്ത് ഇന്ന് 121 പേര്‍ക്ക് കൊറോണ സ്ഥിരീകരിച്ചു. . തൃശ്ശൂരില്‍ 26 പേര്‍ക്കും കണ്ണൂരില്‍ 14 പേര്‍ക്കും , മലപ്പുറം, പത്തനംതിട്ട എന്നീ ജില്ലകളില്‍ 13 പേര്‍ക്ക് വീതവും, പാലക്കാട് 12 പേര്‍ക്കും, കൊല്ലത്ത് 11 പേര്‍ക്കും, കോഴിക്കോട് ഒന്‍പത് പേര്‍ക്കും, ആലപ്പുഴ, എറണാകുളം, ഇടുക്കി എന്നീ ജില്ലകളില്‍ അഞ്ച് പേര്‍ക്ക് വീതവും, കാസര്‍കോട്, തിരുവനന്തപുരം എന്നീ ജില്ലകളില്‍ നാല് പേര്‍ക്ക് വീതവുമാണ് ഇന്ന് കൊറോണ സ്ഥിരീകരിച്ചത്. 79 പേര്‍ രോഗമുക്തരായി.

തുടര്‍ച്ചയായ പതിനൊന്നാം ദിവസമാണ് സംസ്ഥാനത്ത് പുതുതായി രോഗം സ്ഥിരീകരിക്കുന്നവരുടെ എണ്ണം നൂറ് കടക്കുന്നത്. ഇന്ന് രോഗം സ്ഥിരീകരിച്ചവരില്‍ 78 പേര്‍ വിദേശത്തു നിന്നും എത്തിയവരാണ്. ഇതര സംസ്ഥാനങ്ങളില്‍ നിന്നും എത്തിയ 26 പേര്‍ക്കും ഇന്ന് രോഗം സ്ഥിരീകരിച്ചിട്ടുണ്ട്. സമ്പര്‍ക്കം വഴി അഞ്ച് പേര്‍ക്കാണ് സംസ്ഥാനത്ത് പുതുതായി രോഗം ബാധിച്ചിരിക്കുന്നത്. ഇന്ന് രോഗം സ്ഥിരീകരിച്ചവരില്‍ മൂന്ന് ആരോഗ്യപ്രവര്‍ത്തകരും, ഒന്‍പത് സിഐഎസ്എഫ് ഉദ്യോഗസ്ഥരും ഉള്‍പ്പെടുന്നു.